తన జీవితాన్ని కొందరు ఇబ్బంది పెట్టారంటూ సోషల్ మీడియా, మీడియాలో తరచుగా విమర్శలు చేస్తూ ఉంటుంది నటి పూనమ్ కౌర్. ఎవరు, ఏంటి అనేది చెప్పకుండా… చూచాయగా కొందరి గురించే మాట్లాడుతూ ఉంటుంది. వివరాలు చెప్పొచ్చు కదా అంటే… దానికి సరైన సమయం కోసం ఎదురు చూస్తున్నా అని కూడా అంటుంది. ఆ పూనమ్… తాజాగా టాలీవుడ్ హీరోల గురించి మాట్లాడింది. ఈ క్రమంలో చరణ్ గురించి కూడా చెప్పాలని, దానికి టైమ్ వస్తుంది అని కూడా చెప్పింది.
అంతేకాదు విజయ్ దేవరకొండ సినిమా గురించి కూడా చెప్పింది. చాలా కాలంగా సినిమాలకు దూరంగా ఉన్న పూనమ్ మరోసారి ప్రేక్షకులను అలరించనుంది. పూనమ్ కౌర్ ప్రధాన పాత్రలో నటించిన ‘నాతి చరామి’ సినిమా త్వరలో విడుదల కానుంది. ఈ నేపథ్యంలో సినిమా ప్రచార కార్యక్రమాలు, ఇంటర్వ్యూలతో బిజీగా ఉంది పూనమ్. కెరీర్ ఆరంభంలో విజయ్ దేవరకొండ సినిమాలోనూ ఛాన్స్ వచ్చింది. కానీ ఒప్పుకోలేదు. ఎందుకంటే సినిమాల్లోకి రావాలని.. నటననే కెరీర్ గా మార్చుకోవాలని అనుకోలేదు అని చెప్పింది పూనమ్.
అయితే తన సినిమా ఎంట్రీ అనుహ్యంగా జరిగిందని చెప్పింది పూనమ్. సినిమాలకు దూరంగా ఉండాలనుకున్న సమయంలో స్నేహితులు చెప్పడంతో ‘ నాతి చరామి’ సినిమా చేశానని చెప్పింది. అంతేకాదు పరిశ్రమలో ప్రభాస్ లాంటి వ్యక్తి ఎవరూ లేరంటూ స్టేట్మెంట్ కూడా ఇచ్చింది. ఒక మనిషిని నమ్మి 5 సంవత్సరాలు ఒకే సినిమాకు కేటాయించడం చాలా గొప్ప విషయం. అది ప్రభాస్ లాంటి వ్యక్తి మాత్రమే చేయగలరు అది పూనమ్. నాగార్జున చాలా అందంగా ఉంటారు, ఎప్పుడూ ఉత్సాహంగా ఉంటారు అని చెప్పిన పూనమ్. చిన్నతనంలో చిరంజీవి సినిమాలకే తన తండ్రి తీసుకెళ్లేవారు అని కూడా చెప్పింది.
అలాగే తమ కుటుంబం మొత్తానికి చిరంజీవి అంటే చాలా ఇష్టం అని కూడా చెప్పింది. ఇక రామ్చరణ్ ఎప్పుడూ సంతోషంగా ఉండాలి. అంతేకాదు చరణ్ గురించి ఇంకా చాలా విషయాలు చెప్పాలి. అయితే దానికి ఇది సరైన సమయం కాదు అని అంది పూనమ్. మరి ఆ సమయం ఎప్పుడొస్తుందో, ఆమె ఏం చెబుతుందో చూడాలి.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
