టాలీవుడ్ ఇండస్ట్రీలో నటుడిగా, రచయితగా తనకంటూ ప్రత్యేక గుర్తింపును సొంతం చేసుకున్న వాళ్లలో పోసాని కృష్ణమురళి ఒకరు. గతంలో పోలిస్తే పోసాని కృష్ణమురళికి సినిమా ఆఫర్లు అయితే తగ్గాయి. ప్రముఖ రాజకీయ పార్టీకి పోసాని కృష్ణమురళి అనుకూలంగా ఉండటంతో పాటు ఇతర పార్టీల నేతలపై తీవ్రస్థాయిలో విమర్శలు చేస్తున్నారు. అయితే తాజాగా పోసాని కృష్ణమురళి చేసిన కామెంట్లు సోషల్ మీడియా వేదికగా హాట్ టాపిక్ అవుతున్నాయి. నేను చచ్చిపోతే ఇండస్ట్రీ వాళ్లకు నన్ను చూపించొద్దు అంటూ పోసాని కృష్ణమురళి సంచలన వ్యాఖ్యలు చేశారు.
నాకు ప్రస్తుతం దిగులు, బాధ లేవని రేపు ఎవరైనా గొంతు కోసేసినా నేను అకస్మాత్తుగా చనిపోయినా పరవాలేదని ఆయన అన్నారు. నేను చనిపోతే ఏడవద్దని నా భార్యకు చెప్పానని నేను చనిపోతే ఇండస్ట్రీ వాళ్లకు నా శరీరాన్ని చూపించొద్దని కోరానని పోసాని కృష్ణమురళి అన్నారు. నాపై ఎవరూ సానుభూతి చూపించొద్దని నేను చనిపోతే ఆమెను, పిల్లలను కూడా ఏడవద్దని చెప్పానని పోసాని పేర్కొన్నారు. నా వయస్సు 63 సంవత్సరాలు నా భార్య వయస్సు 60 సంవత్సరాలు అని పోసాని చెప్పుకొచ్చారు.
నేను చనిపోతే ఏ విధంగా ఉండాలో నా భార్యను ముందుగానే సిద్ధం చేశానని నేను చనిపోయిన తర్వాత ఏడవద్దని నన్నుచూడటానికి వచ్చిన వాళ్లకు ఇన్ని సంవత్సరాలు నా జీవితం ఎలా ఉందో నవ్వుతూ చెప్పు అని పోసాని కామెంట్లు చేశారు. నాకు ఆస్తులు బాగానే ఉన్నాయని నా భార్య పేరుపై 50 కోట్ల రూపాయల ఆస్తి రాశానని పిల్లల పేర్లపై కూడా ఆస్తులు ఉన్నాయని పోసాని తెలిపారు.
నేను లేకపోయినా నా భార్య సంతోషంగా ఉండేలా ఏర్పాట్లు చేశానని పోసాని అన్నారు. పోసాని కృష్ణమురళి చేసిన కామెంట్ల గురించి తెలిసి నెటిజన్లు ఒకింత ఆశ్చర్యానికి గురవుతున్నాయి. (Posani) పోసాని వివాదాలకు దూరంగా ఉండాలని ఆయన ఫ్యాన్స్ కోరుకుంటున్నారు.
2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?
‘భోళా శంకర్’ తో పాటు కోల్కతా బ్యాక్ డ్రాప్ లో రూపొందిన 10 సినిమాల రిజల్ట్స్.!
‘వాల్తేరు..’ టు ‘జైలర్’.. ఈ ఏడాది ఫస్ట్ వీక్ ఎక్కువ కలెక్షన్స్ రాబట్టిన సినిమాల లిస్ట్
