టాలీవుడ్ నటుడు, రచయిత పోసాని కృష్ణమురళి టీడీపీ అధినేత చంద్రబాబునాయుడిపై చేసిన కామెంట్స్ ఇప్పుడు వైరల్ అవుతున్నాయి. జూనియర్ ఎన్టీఆర్, పవన్ కళ్యాణ్ లను ఇన్వాల్వ్ చేస్తూ పోసాని చేసిన వ్యాఖ్యలు హాట్ టాపిక్ గా మారాయి. తాజాగా ఓ కార్యక్రమంలో మాట్లాడిన పోసాని.. చంద్రబాబు తీరుపై మండిపడ్డారు. 2014లో జరిగిన ఎన్నికల్లో చంద్రబాబు గెలవడానికి పవన్ కళ్యాణ్ కూడా ఓ కారణమని కాబట్టి ఆ సమయంలో చంద్రబాబు ఆయన్ని నెత్తిన పెట్టుకున్నారని.. ఆ తరువాత అదే పవన్ కళ్యాణ్ 2019 ఎన్నికల సమయంలో ‘జనసేన’ పార్టీ తరఫున వచ్చి నారా లోకేష్,
తెలుగుదేశం పార్టీ నాయకులూ చేసిన అవినీతి గురించి మాట్లాడినప్పుడు టీడీపీ వాళ్లంతా పవన్ ని తిట్టారని.. అంటే చంద్రబాబుని పొగిడితేనే అక్కడ స్థానమని చెప్పుకొచ్చారు. అలానే జూనియర్ ఎన్టీఆర్ ని చంద్రబాబు వాడుకున్నారంటూ సెన్సేషనల్ కామెంట్స్ చేశారు. గతంలో టీడీపీ తరఫున ఎన్టీఆర్ ప్రచారానికి వెళితే జనం భారీగా వచ్చారని.. తాతలా జనాలని రప్పించగల సత్తా ఉన్న నాయకుడు కాబట్టి జూనియర్ ఎన్టీఆర్ ని 2009 ఎన్నికల్లో చంద్రబాబు తెలివిగా వాడుకున్నాడని అన్నారు.
ఆ తరువాత ఎన్టీఆర్ ని పక్కన పెట్టేశారని.. అప్పుడు పార్టీ పరిస్థితి బాలేకపోవడంతో మళ్లీ ఎన్టీఆర్ వైపు చూస్తున్నారంటూ ఘాటు వ్యాఖ్యలు చేశారు. ఇదే జూనియర్ ఎన్టీఆర్ హీరో కాకముందు అతడిని అనాథలా చూసిన వీళ్లంతా ఇప్పుడు ఆయన టాప్ హీరో అయ్యాడు కాబట్టి ఆయన వెంట పెడుతున్నారంటూ కామెంట్స్ చేశారు. ఎన్టీఆర్ కి ఏ మాత్రం రాజకీయ పరిజ్ఞానం ఉన్నా.. మళ్లీ టీడీపీ పార్టీలోకి రాడని అన్నారు.
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
