మహేష్ సినిమాలో హైలెట్ కానున్న పోసాని కృష్ణమురళి క్యారక్టర్!

కమర్షియల్ డైరక్టర్ మురుగదాస్ డైరెక్షన్లో సూపర్ స్టార్ మహేష్ బాబు నటిస్తున్న ‘స్పైడర్’ సినిమా కంప్లీట్ అయింది. ఈరోజు నుంచి భరత్ అనే నేను సినిమా మూడో షెడ్యూల్ మొదలయింది. కొరటాల శివ దర్శకత్వంలో తెరకెక్కుతోన్న ఈ మూవీలో మహేష్ ముఖ్యమంత్రిగా నటిస్తున్నారు. అందుకోసం సారధి స్టూడియోలో అసెంబ్లీ సెట్ వేశారు. ఇక్కడ కీలక సీన్లు చిత్రీకరించనున్నారు. రాజకీయనేపథ్యంలో సాగే ఈ చిత్రంలో పోసాని కృష్ణ మురళికి అద్భుతమైన క్యారక్టర్ ఇచ్చారని సమాచారం. తనదైన శైలిలో బాగా నవ్విస్తారని తెలిసింది. కొరటాల మూవీ అంటే హాస్యం తక్కువ ఉంటుందనే టాక్ ఉంది.

ఆ పేరుని చేరిపోసుకోవడానికి కొరటాల పోసానితో నవ్వులు పూయించనున్నట్లు ఫిలిం నగర్ వాసులు చెబుతున్నారు. బాలీవుడ్ బ్యూటీ  కైరా అద్వానీ (ధోనీ ఫేమ్) హీరోయిన్ గా నటిస్తున్న ఈ సినిమాకి రాక్ స్టార్ దేవిశ్రీ ప్రసాద్  సంగీతాన్ని అందిస్తున్నారు. డివివి దానయ్య నిర్మిస్తున్న ఈ చిత్రం సంక్రాంతికి రిలీజ్ కానుంది. శ్రీమంతుడు కాంబినేషన్లో వస్తున్న రెండో మూవీ కావడంతో  భరత్ అనే నేనుపై భారీ అంచనాలు ఉన్నాయి.

Also, do SUBSCRIBE to our YouTube channel to get latest Tollywood updates.