Mahesh Babu: ఆ సెంటిమెంట్ ప్రకారం మహేష్ మూవీ హిట్టే?

September 28, 2021 / 08:25 PM ISTByFilmy Focus

Join Us

Mahesh Babu: ఆ సెంటిమెంట్ ప్రకారం మహేష్ మూవీ హిట్టే?

మహేష్ బాబు హీరోగా పరశురామ్ డైరెక్షన్ లో తెరకెక్కుతున్న సర్కారు వారి పాట సినిమా కచ్చితంగా బ్లాక్ బస్టర్ హిట్ అవుతుందని ఫ్యాన్స్ భావిస్తున్నారు. అయితే ఒక సెంటిమెంట్ ప్రకారం ఈ సినిమా హిట్ అని కొంతమంది మహేష్ బాబు ఫ్యాన్స్ చెబుతున్నారు. మహేష్ పుట్టినరోజు కానుకగా విడుదలైన ఈ సినిమా టీజర్ కు ప్రేక్షకుల నుంచి పాజిటివ్ రెస్పాన్స్ వచ్చింది. మహేష్ బాబుతో ఫస్ట్ టైమ్ పని చేసిన సమయంలో చాలామంది డైరెక్టర్లు బ్లాక్ బస్టర్ హిట్లు సాధించారు.

మురారి సినిమాతో కృష్ణవంశీ, ఒక్కడు సినిమాతో గుణశేఖర్, అతడు సినిమాతో త్రివిక్రమ్ , పోకిరి సినిమాతో పూరీ జగన్నాథ్, దూకుడు సినిమాతో శ్రీనువైట్ల, సీతమ్మ వాకిట్లో సిరిమల్లె చెట్టు సినిమాతో శ్రీకాంత్ అడ్డాల, శ్రీమంతుడు సినిమాతో కొరటాల శివ, మహర్షి సినిమాతో వంశీ పైడిపల్లి, సరిలేరు నీకెవ్వరు సినిమాతో అనిల్ రావిపూడి మహేష్ బాబుకు బ్లాక్ బస్టర్ హిట్లు ఇచ్చారనే సంగతి తెలిసిందే. పరశురామ్ మహేష్ సినిమాకు తొలిసారి దర్శకత్వం వహిస్తుండటంతో ఈ సినిమా కూడా బ్లాక్ బస్టర్ అని ఫ్యాన్స్ చెబుతున్నారు.

అయితే అతిథి సినిమాతో సురేందర్ రెడ్డి, స్పైడర్ సినిమాతో మురుగదాస్ మహేష్ బాబుకు హిట్ ఇవ్వలేకపోయారు. 80 శాతం మంది దర్శకులు మహేష్ కు ఫస్ట్ టైమ్ పని చేసిన సమయంలో సక్సెస్ ఇవ్వడంతో మహేష్ ఫ్యాన్స్ సర్కారు వారి పాట హిట్ అని భావిస్తున్నారు. ఈ సినిమా బాక్సాఫీస్ వద్ద ఎలాంటి రిజల్ట్ ను అందుకుంటుందో చూడాల్సి ఉంది.