నాకే కాదు అనుష్కకు కూడా ఈ రూమర్స్ నచ్చడం లేదు: ప్రభాస్

పాపం ప్రభాస్-అనుష్కల మధ్య ఎలాంటి అనుబంధం ఉందో తెలియదు కానీ.. ఈ నెటిజన్లు మరియు గాసిప్పు రాయుళ్ళ పుణ్యమా అని వారిది ప్రేమ కమ్ లివ్ ఇన్ రిలేషన్ షిప్ కమ్ త్వరలోనే పెళ్లి అని ఫిక్స్ అయిపోయి.. వాళ్ళిద్దరూ జంటగా కనిపిస్తే చాలు “కపుల్ గోల్స్” అని హడావుడి చేయడం మొదలెట్టారు. నిన్నమొన్నటివరకూ ఈ విషయాన్ని పెద్దగా సీరియస్ తీసుకోలేదు ఆ ఇద్దరూ. కానీ.. ఇప్పుడు సాహో ప్రమోషన్స్ టైమ్ లో ప్రతి ఒక్కరూ ప్రభాస్ ను “అనుష్కతో పెళ్లి ఎప్పుడు?, మీ ఇద్దరి మధ్య ఉన్న రిలేషన్ ఏమిటి?” అని పదే పదే అడుగుతుండడం ప్రభాస్ ను చికాకు పెడుతుంది.

దాంతో ఇటీవల ఇదే తరహా ప్రశ్న అడిగిన ఓ రిపోర్టర్ కు ప్రభాస్ సమాధానం చెబుతూ.. “ఒకవేళ నేను అనుష్కతో రిలేషన్ షిప్ లో ఉండి ఉంటే హ్యాపీగా ఇటలీ బీచ్ లో సరదాగా నడుచుకుంటూ టైమ్ గడిపేవాడ్ని. మా ఇద్దరి మధ్య ఒక హెల్దీ ఫ్రెండ్ షిప్ తప్ప మరేం లేదు. నిజానికి ఈ రూమర్స్ బాహుబలి విడుదల తర్వాత ఆగిపోతాయి అనుకున్నాను. కానీ ఇప్పటికీ ఇలా కొనసాగుతుండడం నాకు మాత్రమే కాదు అనుష్కకు కూడా నచ్చడం లేదు” అని చెప్పుకొచ్చాడు ప్రభాస్. మరి ఈ రూమర్స్ కి తెరపడాలంటే.. ప్రభాస్-అనుష్కలలో ఎవరో ఒకరు పెళ్లి చేసుకోవాల్సిందే. అప్పుడు గానీ ఈ గోల ఆగదు.