బాలీవుడ్ హిట్ సీక్వెల్ ధూమ్ 4 ఆఫర్ పై ప్రభాస్

బాలీవుడ్ లో ధూమ్ చిత్రం మంచి వసూళ్లను రాబట్టింది. అభిషేక్ బచ్చన్, సైఫ్ అలీఖాన్ తో మొదలైన ఈ హంగామా హృతిక్ రోషన్, అమీర్ ఖాన్ లతో ఊపందుకుంది. ధూమ్ కి సీక్వెల్ గా వచ్చిన చిత్రాలు సూపర్ హిట్ సాధించాయి. ఇప్పుడు ధూమ్ 4 ని తెరకెక్కించాలని యష్ రాజ్ ఫిలిమ్స్ వాళ్లు సన్నాహాలు మొదలెట్టారు. ఈ భారీ బడ్జెట్ చిత్రంలో నటించాలని యంగ్ రెబల్ స్టార్ ప్రభాస్ కి నిర్మాత ఆదిత్య చోప్రా నుంచి పిలుపు వచ్చిందనే వార్త కొన్ని రోజులుగా సందడి చేస్తోంది.

ఈ చిత్రం ద్వారా డార్లింగ్ బాలీవుడ్ లోకి అడుగు పెడతారని సోషల్ మీడియా కోడై కూసింది. అయితే ఆ వార్తలు నిజం కావని ప్రభాస్ తెలిపారు. బాహుబలి కంక్లూజన్ ఫస్ట్ లుక్ రిలీజ్ సందర్భంగా ఆయన ఇచ్చిన ఇంటర్వ్యూ లో దీనిపై క్లారిటీ ఇచ్చారు. బాలీవుడ్ నుంచి ఆఫర్లు వచ్చిన మాట వాస్తవమే కానీ,  ధూమ్ 4 కోసం ఎవరూ తనని సంప్రదించలేదని స్పష్టం చేశారు. బాహుబలి 2 తర్వాత ముందుగా కమిట్ అయిన రెండు తెలుగు చిత్రాలు పూర్తి చేసి, ఆ తర్వాత  బాలీవుడ్ ఎంట్రీ గురించి  ఆలోచిస్తానని ప్రభాస్ తెలిపారు. ప్రస్తుతం బాహుబలి కంక్లూజన్ పాటల చిత్రీకరణలో యంగ్ రెబల్ స్టార్ బిజీగా ఉన్నారు.