‘అర్జునుడు’ గా మారబోతున్న ‘బాహుబలి’ ?

‘సాహో’ మరో వారం రోజుల్లో విడుదల కాబోతుంది. ఈ చిత్రం కోసం ఇండియా వైడ్ ప్రేక్షకులు ఎంతో ఆసక్తితో ఎదురుచూస్తున్నారు. ఈ సినిమా అడ్వాన్స్ బుకింగ్స్ కోసం పడిగాపులు కాస్తున్నారు ప్రేక్షకులు. టికెట్స్ బుకింగ్ వెబ్ సీట్లలో ఏ థియేటర్ బుకింగ్స్ పెట్టినా ఐదు నిమిషాలకే టికెట్లు అయిపోతున్నాయి. రెండేళ్ళ తరువాత ప్రభాస్ నుండీ వస్తున్న చిత్రం కావడంతో ఈ రేంజ్ హైప్ ఏర్పడింది. ఇక సినిమాకి ఏమాత్రం పాజిటివ్ టాక్ వచ్చినా రికార్డు కలెక్షన్లు రావడం ఖాయంగా కనిపిస్తుంది.

ఇక ‘సాహో’ ప్రమోషన్లలో భాగంగా తాజాగా ప్రభాస్ బెంగుళూరులో జరిగిన ఓ ప్రెస్ మీట్లో పాల్గొన్నాడు. ఈ సందర్భంగా మీడియా వారు అడిగిన పలు ప్రశ్నలకు ఆసక్తికర సమాధానాలు ఇచ్చాడు. ఈ క్రమంలో మహాభారతం చేయాల్సి వస్తే అందులో ఏ పాత్ర చేస్తారు అని ఓ విలేకరి అడిగిన ప్రశ్నకు ప్రభాస్ బదులిస్తూ…. ‘ ‘మహాభారతం’ చేయాల్సి వస్తే ఎటువంటి పాత్ర చేయడానికైనా నేను రెడీ. నాకైతే అర్జునుడు పాత్ర చేయాలని ఉంది’ అంటూ తన మనసులో మాట బయటపెట్టాడు ప్రభాస్.