మలయాళ నటులపై ప్రభాస్ ప్రశంసలు

తెలుగు చిత్ర పరిశ్రమలో రెబల్ స్టార్ కృష్ణం రాజు అంటే యంగ్ రెబల్ స్టార్ ప్రభాస్ కి ఎనలేని గౌరవం, ప్రేమ. బాబాయ్  ప్రోత్సాహంతోనే డార్లింగ్ సినిమాల్లోకి అడుగుపెట్టారు. ప్రభాస్ ఓ వైపు సినిమాల్లో నటిస్తున్నా తెలుగుతో పాటు దక్షిణాది భాషల్లోని మంచి సినిమాలను చూస్తుంటారు. అందులోని గొప్ప విషయాలను నేర్చుకుంటున్నారు. ఈ విషయం పై ఆయన రీసెంట్ గా ఇచ్చిన ఇంటర్వ్యూ లో వెల్లడించారు.

“నేను మలయాళ సూపర్ స్టార్లు మోహన్ లాల్, మమ్ముట్టి నటించిన చిత్రాలను చూస్తుంటాను. వారి నటన అద్భుతం. క్లిష్టమైన, సున్నితమైన సన్నివేశాల్లో వారి పలికించే హావభావాలు నన్ను ఆశ్చర్యపరుస్తాయి. నేను అటువంటి సీన్స్ చేస్తున్నప్పుడు వారినే స్ఫూర్తిగా తీసుకుంటాను” అని ప్రభాస్ చెప్పారు. బాహుబలి తో ఇండియన్ స్టార్ గా అంతర్జాతీయంగా గుర్తింపు తెచ్చుకున్న డార్లింగ్ ప్రస్తుతం బాహుబలి కంక్లూజన్ పాట చిత్రీకరణలో బిజీగా ఉన్నారు. ఈ షూటింగ్ ని నవంబర్ చివరి నాటికి పూర్తి చేయాలనీ దర్శకధీరుడు ఎస్.ఎస్. రాజమౌళి భావిస్తున్నారు. వచ్చే ఏడాది ఏప్రిల్ 28 న బాహుబలి 2 ప్రపంచవ్యాప్తంగా విడుదల కానుంది.