ఉస్తాద్ రామ్ పోతినేని (Ram) , డాషింగ్ డైరెక్టర్ పూరి జగన్నాథ్ (Puri Jagannadh) ..ల కలయికలో ‘ఇస్మార్ట్ శంకర్’ (iSmart Shankar) అనే సూపర్ హిట్ సినిమా వచ్చిన సంగతి తెలిసిందే. 5 ఏళ్ల తర్వాత ఆ చిత్రానికి సీక్వెల్ గా ‘డబుల్ ఇస్మార్ట్’ (Double Ismart) అనే సినిమా రాబోతుంది. ఆగస్టు 15న ఈ చిత్రం రిలీజ్ కాబోతోంది. సూపర్ హిట్ సినిమాకు సీక్వెల్ కావడంతో.. మొదటి నుండి ఈ సినిమాపై అంచనాలు ఉన్నాయి. దానికి తోడు టీజర్, 3 పాటలు పాజిటివ్ రెస్పాన్స్ ను సంపాదించుకున్నాయి.
అయితే మరోపక్క ఈ చిత్రం గురించి రకరకాల కాంట్రోవర్సీలు చోటు చేసుకుంటున్నట్టు ప్రచారం కూడా మొదలైంది. ‘లైగర్’ (Liger) డిస్ట్రిబ్యూటర్ల విషయంలో, హీరో రామ్ విషయంలో దర్శకుడు పూరి సమస్యలు ఎదుర్కొంటున్నట్టు టాక్ నడుస్తుంది. ఇదిలా ఉంటే.. మరోపక్క ‘డబుల్ ఇస్మార్ట్’ ట్రైలర్ అనౌన్స్మెంట్ కూడా ఇచ్చింది చిత్ర బృందం. ఆగస్టు 4న ‘డబుల్ ఇస్మార్ట్’ ట్రైలర్ యూట్యూబ్లో రిలీజ్ కానుందని మేకర్స్ ప్రకటించారు.
అలాగే ట్రైలర్ లాంచ్ వేడుకను వైజాగ్ లో ఏర్పాటు చేస్తున్నట్లు కూడా వెల్లడించారు. అలాగే త్వరలోనే ప్రీ రిలీజ్ వేడుకను కూడా నిర్వహించాలని చిత్ర బృందం ప్లాన్ చేస్తుంది. దానికి పాన్ ఇండియా స్టార్ ప్రభాస్ గెస్ట్ గా విచ్చేసే ఛాన్స్ ఉందని తెలుస్తుంది. ప్రభాస్- పూరీ జగన్నాథ్..ల స్నేహం గురించి ప్రత్యేకంగా చెప్పాల్సిన పనిలేదు.
గతంలో ఇద్దరూ కలిసి ‘బుజ్జిగాడు’ (Bujjigadu) ‘ఏక్ నిరంజన్’ (Ek Niranjan) వంటి యాక్షన్ మూవీస్ ని అందించారు. ప్రభాస్ ని డార్లింగ్ ని చేసింది కూడా పూరీనే అని చెప్పాలి. పూరీ సినిమాల ప్రమోషన్స్ కి కూడా ప్రభాస్ సాయపడుతూ ఉంటాడు. ఇప్పుడు ‘డబుల్ ఇస్మార్ట్’ కోసం కూడా తన వంతు సాయం చేయడానికి ప్రభాస్ రెడీ అయినట్లు తెలుస్తుంది.
Home
