సుజీత్ కాంబినేషన్లో రానున్న మూవీలో పోలీస్ గా యంగ్ రెబల్ స్టార్

యంగ్ రెబల్ స్టార్ ప్రభాస్ కి బహుబలి చిత్రంతో ఎనలేని క్రేజ్ వచ్చింది. పొరుగు రాష్ట్రాల్లోనూ డార్లింగ్ కి  అభిమానులు ఏర్పడ్డారు. దీంతో అతని నెక్స్ట్ సినిమా మార్కెట్ విస్తరించింది. ఇప్పుడు చిత్రీకరణ చివరి దశలో ఉన్న బాహుబలి కంక్లూజన్ మాత్రమే కాకుండా.. ఆ తర్వాత ప్రభాస్ చేయనున్న సినిమాలు కూడా అనేక భాషల్లో విడుదలయ్యేలా ప్లాన్ చేస్తున్నారు. “రన్ రాజా రన్” ఫేమ్ సుజీత్ దర్శకత్వంలో యంగ్ రెబల్ స్టార్ ప్రభాస్ చేయనున్న ఫిల్మ్ ని తెలుగు, తమిళ్, హిందీ భాషల్లో నిర్మించేందుకు నిర్మాతలు వంశీ, ప్రమోద్ లు సిద్ధమయ్యారు.

యూవీ క్రియేషన్ బ్యానర్లో తెరకెక్కనున్న యాక్షన్ థ్రిల్లర్ మూవీలో ప్రభాస్ పోలీసాఫీసర్ పాత్ర పోషించనున్నట్లు తాజా సమాచారం. ఎక్కువ భాగం దుబాయి లో చిత్రీకరణ జరుపుకోనున్న ఈ చిత్రంలో ప్రభాస్ చేసే సాహసాలు జేమ్స్ బ్యాండ్ ని తలపిస్తాయట. 100 కోట్ల బడ్జెట్ తో రూపుదిద్దుకోనున్న సినిమాలో ఇద్దరు హీరోయిన్లు నటించనున్నారు.  హిందీ నటుడు నీల్ నితిన్ ముఖేష్‌ని విలన్‌గా ఫిక్స్ అయ్యాడు. డిసెంబర్ 10 న పూజా కార్యక్రమాలు జరుపుకోనున్న ఈ సినిమా, 2017 జనవరి మొదటి వారం నుంచి రెగ్యులర్ షూటింగ్ లోకి అడుగు పెట్టనుంది.

https://www.youtube.com/watch?v=MkSr7hm-N_0