పాన్ ఇండియా ఇమేజ్ ప్రభాస్ కి శాపమా…వరమా?

బాహుబలి చిత్రంతో ప్రభాస్ ఇమేజ్ ఆకాశానికి చేరింది. పాన్ ఇండియా స్టార్ గా ఆయన దేశవ్యాప్తంగా గుర్తింపు తెచ్చుకున్నారు. దీనితో భారీ బుడ్జెట్ తో యూనివర్సల్ సబ్జెక్టులు తెరకెక్కించడానికి దర్శకనిర్మాతలు ఆసక్తి చూపిస్తున్నారు. ప్రభాస్ ప్రస్తుతం నటిస్తున్న రాధే శ్యామ్ పీరియాడిక్ మూవీ అయినప్పటికీ యూనివర్సల్ స్టోరీ అని టాక్. అలాగే ఇది సెన్సిబుల్ లవ్ డ్రామా. ఈ మూవీ అనంతరం ప్రభాస్ దర్శకుడు నాగ్ అశ్విన్ తో ఓ భారీ పాన్ ఇండియా చిత్రం చేస్తున్నారు.

ఈ మూవీ కథపై అనేక ఊహాగానాలు ప్రచారంలో ఉండగా..దాదాపు సైన్స్ ఫిక్షన్ మూవీ అని తెలుస్తుంది. దాదాపు 500 కోట్ల బడ్జెట్ తో అశ్వినీ దత్ ఈ చిత్రాన్ని తెరకెక్కించనున్నారు. ఈ చిత్రం తరువాత ఆయన బాలీవుడ్ డైరెక్టర్ ఓమ్ రౌత్ తో ఓ భారీ పాన్ ఇండియా మూవీ చేయనున్నట్లు వార్తలు వస్తున్నాయి. పాన్ ఇండియా సబ్జెక్టు అనేది యూనివర్సల్ గా ఉండాలి. అందుకే ఆ తరహా కథలతో ప్రభాస్ ని దర్శకులు సంప్రదిస్తున్నారు. ఈ నేపథ్యంలో ప్రభాస్ భవిష్యత్ చిత్రాలు టాలీవుడ్ ప్రేక్షకులకు రుచించవేమో అనిపిస్తుంది.

తెలుగు సినిమాలో రెగ్యులర్ గా ఉండే పాటలు, కామెడీ అనేది ప్రభాస్ రాబోయే సినిమాలలో ఉండకపోవచ్చు. సాహో తెలుగులో పరాజయం పొందడానికి కారణం కూడా అదే. ప్రభాస్ ఎంచుకొనే పాన్ ఇండియా సబ్జక్ట్స్ టాలీవుడ్ ప్రేక్షకులకు మరియు ఆయన ఫ్యాన్స్ కి రుచించకపోతే ఆయన ఇమేజ్ కి ప్రమాదం ఏర్పడే అవకాశం ఉంది. ఈ నేపథ్యంలో ఆయన ఎంచుకొనే సబ్జక్ట్స్ మన తెలుగు ప్రేక్షకులను దృష్టిలో పెట్టుకొని ఎంచుకుంటే మంచిది.

Most Recommended Video

భానుమతి & రామకృష్ణ సినిమా రివ్యూ & రేటింగ్!
సినిమాల్లోకి రాకముందు మన హీరోయిన్స్ ఎలా ఉంటారో చూస్తే.. షాక్ అవ్వాల్సిందే..!
అట్టర్ ఫ్లాప్ సీజన్ అంటే ఇదేనేమో..!