స్టార్ హీరో ప్రభాస్ ప్రస్తుతం నటిస్తున్న సినిమాలలో సలార్ సినిమాపై అత్యంత భారీస్థాయిలో అంచనాలు నెలకొన్నాయి. ప్రశాంత్ నీల్ ఈ సినిమాకు దర్శకత్వం వహిస్తుండగా కేజీఎఫ్2 సినిమా తర్వాత ప్రశాంత్ నీల్ దర్శకత్వం వహిస్తున్న సినిమా ఇదే కావడంతో ఈ సినిమాపై అంచనాలు మరింత పెరిగాయి. అయితే 2023 సంవత్సరం సెప్టెంబర్ నెల 28వ తేదీన రిలీజ్ కానుంది. మరోవైపు ప్రభాస్ నటిస్తున్న ఆదిపురుష్ మూవీ రిలీజ్ వాయిదా పడిందనే సంగతి తెలిసిందే.
ఆదిపురుష్ మూవీ రిలీజ్ డేట్ మారినా ప్రభాస్ అభిమానులకు అణువంతైనా బాధ లేదు. ఈ సినిమాపై ప్రేక్షకుల్లో భారీ రేంజ్ లో అంచనాలు కూడా ఏర్పడలేదు. అయితే ప్రభాస్ అభిమానులు ప్రస్తుతం సలార్ సినిమాను మొదట విడుదల చేసి ఆదిపురుష్ సినిమాను తర్వాత రిలీజ్ చేస్తే బాగుంటుందనే అభిప్రాయం వ్యక్తం చేస్తున్నారు. సాహో, రాధేశ్యామ్ సినిమాలతో ప్రభాస్ మార్కెట్ కొంతమేర దెబ్బతింది. సలార్ సినిమాతో ప్రభాస్ మళ్లీ కొత్త రికార్డులు క్రియేట్ చేస్తారని ఫ్యాన్స్ నమ్ముతున్నారు.
ఈ సినిమాను 2023 సమ్మర్ లో రిలీజ్ చేయాలని ఫ్యాన్స్ కోరుకుంటున్నారు. ప్రభాస్ ప్రశాంత్ నీల్ తలచుకుంటే ఈ సినిమాను ఆ సమయానికి విడుదల చేయడం కష్టమేమీ కాదు. ప్రభాస్, ప్రశాంత్ నీల్ ఈ దిశగా అడుగులు వేస్తారో లేదో చూడాల్సి ఉంది. ప్రభాస్ కు జోడీగా ఈ సినిమాలో శృతి హాసన్ నటిస్తున్నారు.
ప్రభాస్, శృతి హాసన్ కాంబినేషన్ లో తెరకెక్కిన తొలి సినిమా ఇదే కావడం గమనార్హం. సలార్ మూవీ ప్రభాస్ కెరీర్ బెస్ట్ హిట్ గా నిలుస్తుందని ఫ్యాన్స్ నమ్ముతున్నారు. ఫ్యాన్స్ కోరిక మేరకు సలార్, ఆదిపురుష్ రిలీజ్ డేట్లను మారుస్తారో లేదో చూడాల్సి ఉంది. ప్రభాస్ తర్వాత ప్రాజెక్ట్ లతో కూడా భారీ బ్లాక్ బస్టర్ హిట్లు అందుకోవాలని అభిమానులు మనస్పూర్తిగా కోరుకుంటున్నారు.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
