Fauzi: అక్టోబర్ 16నే ‘ఫౌజీ’…ఎంత వరకు నిజం?

‘రాజా సాబ్’ సినిమా బాక్సాఫీస్ దగ్గర దారుణంగా బోల్తా కొట్టడంతో ప్రభాస్ ఫ్యాన్స్ తీవ్ర నిరాశలో ఉన్నారు. ఇప్పుడు వాళ్ల ఆశలన్నీ ‘ఫౌజీ’ (Fauzi) సినిమా పైనే ఉన్నాయి.

Fauzi

‘సీతారామం’ ఫేమ్ హను రాఘవపూడి డైరెక్షన్‌లో వస్తున్న ఈ పీరియాడిక్ యాక్షన్ డ్రామాపై ఇండస్ట్రీలో భారీ అంచనాలున్నాయి. తాజాగా ఈ మూవీ రిలీజ్ డేట్‌కు సంబంధించి ఓ సాలిడ్ బజ్ నెట్టింట చక్కర్లు కొడుతోంది.

పక్కా ప్లానింగ్‌తో దసరా ఫెస్టివల్‌ను టార్గెట్ చేస్తూ ఈ సినిమాను దించాలని మేకర్స్ ఫిక్స్ అయ్యారట. 2026, అక్టోబర్ 20 (మంగళవారం) విజయదశమి పండుగ ఉంది. కాబట్టి.. లాంగ్ వీకెండ్ కలిసొచ్చేలా ముందుగానే అక్టోబర్ 16 (శుక్రవారం) ‘ఫౌజీ’ని గ్రాండ్‌గా థియేటర్లలోకి తీసుకురావాలని చూస్తున్నారట.ప్రస్తుతం డిజిటల్ రైట్స్ డీల్ ఫైనల్ చేసే పనిలో మేకర్స్ ఉన్నారు.

అది క్లోజ్ అయిన వెంటనే రిలీజ్ డేట్‌పై అఫీషియల్ అనౌన్స్‌మెంట్ రానుందని సమాచారం.’మైత్రీ మూవీ మేకర్స్’ సుమారు రూ.400 కోట్ల భారీ బడ్జెట్‌తో ఈ పాన్ ఇండియా చిత్రాన్ని నిర్మిస్తున్నారు. 1940 నాటి బ్రిటిష్ ఇండియా బ్యాక్‌డ్రాప్‌లో.. ఆజాద్ హింద్ ఫౌజ్ (ఇండియన్ నేషనల్ ఆర్మీ)లో పనిచేసే సోల్జర్‌గా ప్రభాస్ పవర్ ఫుల్ రోల్ ప్లే చేస్తున్నారు.

సోషల్ మీడియా ఇన్‌ఫ్లుయెన్సర్ ఇమాన్వి ఈ మూవీతో హీరోయిన్‌గా ఎంట్రీ ఇస్తోంది. మిథున్ చక్రవర్తి, అనుపమ్ ఖేర్, జయప్రద లాంటి సీనియర్ నటులు కీలక పాత్రలు పోషిస్తున్నారు. విశాల్ చంద్రశేఖర్ ఈ సినిమాకు మ్యూజిక్ అందిస్తున్నారు.ఇప్పటికే రామోజీ ఫిల్మ్ సిటీ, మధురైలో వేసిన భారీ సెట్స్‌లో 60 శాతానికి పైగా షూటింగ్ కంప్లీట్ అయింది.

మరో క్రేజీ న్యూస్ ఏంటంటే.. మేకర్స్ ఈ సినిమాను రెండు భాగాలుగా తీసుకురాబోతున్నారట. సెకండ్ పార్ట్ ప్రీక్వెల్‌గా ఉంటుందని టాక్. మొత్తానికి పీరియాడిక్ వార్ డ్రామాతో ప్రభాస్ సాలిడ్ కమ్‌బ్యాక్ ఇవ్వడం గ్యారెంటీ అని ఫ్యాన్స్ ఫిక్స్ అయిపోయారు.

మొదటి సోమవారం పడిపోయిన ‘మృత్యుంజయ్’ కలెక్షన్లు