ప్రభాస్ చేతిలో మరో భారీ అఫర్

అమరేంద్ర బాహుబలి పాత్రకు ప్రభాస్ జీవం పోశారు. బాహుబలి సినిమా చూసిన ప్రతి ఒక్కరికీ మహిష్మతి రాజ్యం ఒకటుండేదని అందులో బాహుబలి రాజు ఉండేవాడని అందరూ ఫిక్స్ అయిపోతున్నారు. అంతలా నటించారు, అందుకే బాహుబలి కంక్లూజన్ విశేష ఆదరణ పొందుతోంది. దీంతో ప్రభాస్ కి మరో అద్భుతమైన రోల్ ఆఫర్ వచ్చింది. ప్రముఖ రచయిత, జ్ఞానపీఠ అవార్డు గ్రహీత ఎమ్టీ వాసుదేవన్ నాయర్ రచించిన ‘రండమోజమ్’ అనే నవల ఆధారంగా దర్శకుడు శ్రీకుమార్ మీనన్ మహాభారతాన్ని తెరకెక్కించనున్నారు. ప్రస్తుతం ప్రీ ప్రొడక్షన్ జరుపుకుంటున్న ఈ సినిమాలో భీముడిగా మలయాళ స్టార్ హీరో మోహన్ లాల్ ఖరారు అయ్యారు.

ప్రముఖ వ్యాపారవేత్త డా. బి. ఆర్.శెట్టి వెయ్యికోట్లతో నిర్మిస్తున్న ఈ మూవీలో మరో కీలక రోల్ ఉందంట. ఆ పాత్రలో నటించమని ప్రభాస్ ని ఆ చిత్ర బృందం కోరినట్లు తెలిసింది. ఆ పాత్ర గురించి పూర్తిగా తెలుసుకొని ఆ తర్వాత నిర్ణయం చెబుతానని ప్రభాస్ చెప్పినట్లు సమాచారం. ప్రస్తుతం సుజీత్ సినిమా షూటింగ్ లో బిజీగా ఉన్న ప్రభాస్ మహాభారత కథను, అందులోని తన క్యారక్టర్ గురించి వినేందుకు దర్శకుడు శ్రీకుమార్ మీనన్ కు త్వరలో టైమ్ కేటాయించనున్నారు. సో మరో అద్భుత క్యారక్టర్ లో ప్రభాస్ ని చూసేందుకు సిద్ధంగా ఉండాలన్నమాట.

Also, do SUBSCRIBE to our YouTube channel to get latest Tollywood updates.