బాహుబలి సినిమా కోసం ప్రభాస్ కత్తి విన్యాసాలు, గుర్రపు స్వారీలో కొన్ని నెలలపాటు శిక్షణ తీసుకున్నారు. ఆ ట్రైనింగ్ వెండితెరపై అద్భుత యుద్ధాన్ని కళ్ళకు కట్టింది. ఇక యువ దర్శకుడు సుజీత్ దర్శకత్వంలో ప్రభాస్ చేస్తున్న సినిమా కూడా యాక్షన్ సినిమా అనేది టీజర్ స్పష్టం చేసింది. ఆకాశంలో విన్యాసాలు అదరగొడతాయని తెలిపింది. ప్రస్తుతం ఈ మూవీ రామోజీ ఫిలిం సిటీలో వేసిన భారీ సెట్ లో రెగ్యులర్ షూటింగ్ జరుపుకుంటోంది. ఏకకాలంలో తెలుగు, తమిళ్, హిందీ భాషల్లో తెరకెక్కుతోన్న ఈ సినిమాలో హీరోయిన్ గా బాలీవుడ్ బ్యూటీ శ్రద్ధ కపూర్, విలన్స్ గా బాలీవుడ్ నటుడు జాకీష్రాఫ్, నీల్ నితిన్ ముకేష్, చుంకే పాండే లు నటిస్తున్నారు. కోలీవుడ్ నటుడు అరుణ్ విజయ్ ను ఓ కీలక రోల్ పోషిస్తున్నారు.
యూవీ క్రియేషన్స్ బ్యానర్లో వంశీ ప్రమోద్ లు నిర్మిస్తున్న ఈ చిత్రం గురించి కొత్త విషయం బయటికి వచ్చింది. అదేమిటంటే ఈ చిత్రంలో అండర్ వాటర్ లో ఒక ఫైటింగ్ సీక్వెన్స్ ఉందంట. అందుకోసం ప్రభాస్ అండర్ వాటర్ డైవింగ్ (స్కూబా డైవింగ్ ) నేర్చుకున్నట్లు తెలిసింది. ఛత్రపతి సినిమాలో సముద్రంలో షార్క్ తో తలపడే సీన్ అందరినీ ఆకట్టుకుంది. అలాగే సాహోలో ఈ ఫైట్ అలరిస్తుందనడంలో ఎటువంటి సందేహం అవసరం లేదు.
Also, do SUBSCRIBE to our YouTube channel to get latest Tollywood updates.
