Prabhas: మారుతి సినిమా కథ విషయంలో క్లారిటీ ఇచ్చిన ప్రభాస్!

ప్రభాస్ ‘సలార్’ తో సక్సెస్ కొట్టి ఫామ్లోకి వచ్చాడు. ఈ సినిమా ఇప్పటివరకు బాక్సాఫీస్ వద్ద రూ.600 కోట్ల పైన వసూళ్లను రాబట్టింది. ఎటువంటి ప్రమోషన్ చేయకపోయినా ప్రభాస్ బాక్సాఫీస్ కాలిబర్ ఏంటనేది ఈ సినిమా రిజల్ట్ ప్రూవ్ చేసింది. షారుఖ్ ఖాన్.. ‘డంకీ’ వంటి సినిమాతో పోటీపడి మరీ సక్సెస్ సాధించడం అంటే చిన్న విషయం కాదు. ఇదిలా ఉండగా.. ప్రభాస్ నెక్స్ట్ మూవీస్ పై కూడా ఇప్పుడు అందరిలో ఆసక్తి పెరిగింది.

ప్రభాస్ ప్రస్తుతం నాగ్ అశ్విన్ దర్శకత్వంలో ‘కల్కి 2898 ‘(ప్రాజెక్ట్ కె) చిత్రం చేస్తూనే మరోపక్క మారుతి దర్శకత్వంలో కూడా ఓ సినిమా చేస్తున్నాడు. దీనికి ‘రాజా డీలక్స్’ అనే పేరు పరిశీలిస్తున్నట్టు గతంలో ప్రచారం జరిగింది. కానీ అందులో నిజం లేదు అని దర్శకుడు మారుతి తెలిపారు. మరోపక్క ఈ సినిమా హారర్ జోనర్ అనే ప్రచారం కూడా గట్టిగానే జరిగింది. ప్రభాస్ వంటి పెద్ద హీరోతో అలాంటి జోనర్లో సినిమా చేయడమేంటి అని అంతా ఆ వార్తను కొట్టిపారేశారు.

కానీ అదే నిజమని తాజాగా (Prabhas) ప్రభాస్ చెప్పి క్లారిటీ ఇచ్చారు. తనకు అన్ని జోనర్లలో సినిమాలు చేయాలని ఉందని, అందుకే మారుతి చెప్పిన స్క్రిప్ట్ కి వెంటనే కనెక్ట్ అయినట్టు ప్రభాస్ తెలిపారు. అలాగే హారర్ జోనర్లో సాగే ఎంటర్టైన్మెంట్ మూవీ అని కూడా ప్రభాస్ చెప్పడం జరిగింది. కానీ టైటిల్ విషయంలో ఎటువంటి క్లారిటీ ఇవ్వలేదు.

ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!

ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!