Kalki 2: మరో లుక్‌లో ప్రభాస్‌… నాగ్‌ అశ్విన్‌ కథ మార్చేశారా?

April 28, 2026 / 09:48 PM ISTByFilmy Focus Desk

Join Us

‘కల్కి 2898 ఏడీ’ సినిమాకు సంబంధించి జరిగిన ప్రచారంలో ప్రభాస్‌ను ఒక లుక్‌లోనే చూపించి.. థియేటర్లకు వెళ్లాక మరో లుక్‌ను బయటపెట్టి షాక్‌ ఇచ్చారు దర్శకుడు నాగ్‌ అశ్విన్‌. ప్రమోషనల్‌ కంటెంట్‌ల ప్రభాస్‌ను భైరవ అనే బౌంటీ హంటర్‌గా మాత్రమే చూపించారు. అయితే మరో లుక్‌ ఉందని హింట్స్‌ ఇస్తూనే ఉన్నారు. థియేటర్లలోకి వెళ్లాక కర్ణుడు పాత్రలో ప్రభాస్‌ను చూపించి అదరగొట్టారు. ఇప్పుడు ఈ సినిమా రెండో భాగానికి వచ్చేసరికి మరో పాత్రలోనూ ప్రభాస్‌ను చూపిస్తారు అంటూ ఓ చర్చ టాలీవుడ్‌ వర్గాల్లో జరుగుతోంది.

Kalki 2

ప్రభాస్‌ ప్రస్తుతం మూడు సినిమాలతో బిజీగా ఉన్నాడు. అందులో ‘కల్కి 2898ఏడీ’ సినిమా సీక్వెల్‌ కూడా ఉంది. చాలా రోజులుగా ఊరిస్తూ వచ్చిన చిత్రబృందం ఇటీవల షూటింగ్‌ ప్రారంభించింది. ‘కల్కి 2’గా రూపొందుతున్న ఈ సినిమా హైదరాబాద్‌లోని ఓ భారీ సెట్‌లో గత కొన్ని రోజులుగా చిత్రీకరణ జరుపుకుంది. ఇప్పుడు చిన్న గ్యాప్‌ ఇచ్చిన టీమ్‌ కొత్త షెడ్యూల్‌ను మే తొలి వారం నుండి స్టార్ట్‌ చేసే పనిలో ఉన్నారట. అందులో ప్రభాస్‌ కూడా పాల్గొంటాడని సమాచారం.

అది కూడా నాగీ అండ్‌ కో. కొత్తగా డిజైన్‌ చేసిన లుక్‌లో కనిపిస్తాడని సమాచారం. సినిమా తొలి భాగంలో వేసిన కర్ణ, భైరవగా పాత్రలకు ఏ మాత్రం దగ్గరగా ఉండకుండా ఆ పాత్రను రూపొందించారట. ఈ కొత్త లుక్‌ ప్రేక్షకుల్ని ఆశ్చర్యపరుస్తుందని కూడా టీమ్‌ చెబుతోంది. మరింత స్పెషల్‌ ఏంటి అనేది చూడాలి. దాంతోపాటు ఇది ఓ లుక్‌ మాత్రమేనా, లేక మరో పాత్రనే తీసుకొస్తున్నారా అనేది కూడా తెలియాల్సి ఉంది.

మహాభారతంతో ముడిపడిన ఈ సైన్స్‌ ఫిక్షన్‌ సినిమాలో అశ్వత్థామగా అమితాబ్ బచ్చన్‌, సుప్రీం యాస్కిన్‌గా కమల్‌ హాసన్‌ కనిపించనున్నారు. ఇక సినిమాలో కీలకమైన సుమతి పాత్ర వేసిన దీపికా పడుకొణె సినిమా నుండి తప్పుకుంది. దీంతో ఆమె స్థానంలో మరో స్టార్‌ హీరోయిన్‌ను ఎంపిక చేసే పనిలో ఉన్నారు. ప్రియాంక చోప్రా, సాయి పల్లవి పేర్లు ప్రస్తుతానికి బాగా వినిపిస్తున్నాయి.