పదికిలోల బరువు తగ్గనున్న ప్రభాస్

బాహుబలి సినిమాకోసం ప్రభాస్ భారీగా బరువు పెరిగారు. ఆ పాత్రలకు అవసరం కాబట్టి రోజుకి 14 గంటల పాటు శ్రమించి సిక్స్ ప్యాక్ బాడీని సొంతం చేసుకున్నారు. ఈ సినిమా తర్వాత సుజీత్ దర్శకత్వంలో సాహో మూవీ చేస్తున్నారు. ఈ కథ ప్రకారం అథ్లెట్ బాడీ అవసరం. అందుకే కొంత బరువు తగ్గారు. ఈ మూవీ షూటింగ్ చివరి దశకు చేరుకుంది. ఈ సినిమా తర్వాత ఈ మూవీ తర్వాత జిల్ ఫేమ్ రాధాకృష్ణ దర్శకత్వంలో సినిమా చేయనున్నారు. 1970 నాటి కాలంలో సాగె కథతో తెరకెక్కనున్న మూవీ గురువారం(6 వ తేదీ) లాంఛనంగా ప్రారంభం కానుంది. అదొక రొమాంటిక్ లవ్ స్టోరీ అని తెలిసింది. అందులో లవర్ బాయ్ లా ప్రభాస్ కనిపించాలి.

అందుకోసమే పది కిలోలు బరువు తగ్గాల్సి ఉంటుందని డైరక్టర్ చెప్పడంతో ప్రభాస్ ఓకే చెప్పారంట. సాహోలో మిగిలిన సన్నివేశాలు కంప్లీట్ కాగానే ముంబై ఫిట్ నెస్ నిపుణుల పర్వవేక్షణలో బరువు తగ్గే పనులు ప్రారంభించనున్నట్లు ఫిల్మ్ నగర్ వాసులు చెప్పారు. ప్రభాస్ 20 మూవీ కోసం నగర శివార్లలో ప్రొడక్షన్ డిజైనర్ రవీందర్ అప్పటి కాలానికి సంబంధించిన సెట్స్ వేయించే పనిలో నిమగ్నమయి ఉన్నారు. ఇందులో ప్రభాస్ సరసన డీజే బ్యూటీ, జిగేల్ రాణి పూజా హెగ్డే హీరోయిన్ గా ఫిక్స్ అయింది. ఈ సినిమాకు బాలీవుడ్ సంగీత దర్శకుడు అమిత్ త్రివేది మ్యూజిక్ అందించనున్నారు. యువీ క్రియేషన్స్ బ్యానర్లో వంశీ, ప్రమోద్ లతో కలిసి కృష్ణం రాజు నిర్మించనున్న ఈ మూవీ వివరాలు మరో రెండు రోజుల్లో స్పష్టంగా తెలియనుంది.