పాన్ ఇండియా స్టార్ ప్రభాస్ నటిస్తున్న వరుస పాన్ ఇండియా సినిమాల్లో ఆదిపురుష్ ఒకటి.హిందీలో ప్రభాస్ నటిస్తున్న స్ట్రెయిట్ మూవీ కూడా..! తానాజీ వంటి హిట్ చిత్రాన్ని తెరకెక్కించిన ఓం రావత్ ఈ చిత్రానికి దర్శకుడు. సుమారు రూ.400 కోట్ల భారీ బడ్జెట్ తో ఈ చిత్రాన్ని టి.సిరీస్ వారు నిర్మిస్తున్నారు. ఈ ప్రాజెక్ట్ మొదలై 2 ఏళ్ళు పూర్తి కావస్తున్నప్పటికీ ఇప్పటి వరకు ప్రభాస్ లుక్ కు సంబంధించి ఒక్క పోస్టర్ కూడా రిలీజ్ చేయలేదు మేకర్స్.
పైగా ఈ చిత్రానికి సంబంధించినంత వరకు ప్రభాస్ పార్ట్ షూటింగ్ కంప్లీట్ అయ్యింది కూడా.! ఇదిలా ఉండగా.. దసరా కానుకగా ఈ చిత్రం నుండీ ఫస్ట్ లుక్ ను అలాగే టీజర్ ను రిలీజ్ చేయబోతున్నట్టు అధికారిక ప్రకటన ఇచ్చిన సంగతి తెలిసిందే. ఇందులో భాగంగా.. ఈరోజు ఫస్ట్ లుక్ పోస్టర్ ను కూడా రిలీజ్ చేశారు. ఆకాశానికి విల్లు ఎత్తి పెట్టిన శ్రీరాముని అవతారంలో ప్రభాస్ కనిపిస్తున్నాడు.
హిందీ, తెలుగు తో పాటు మొత్తం నాలుగు భాషల్లో ఈ చిత్రం ఫస్ట్ లుక్ పోస్టర్స్ ను విడుదల చేసారు. అయితే ఈ పోస్టర్ లో ప్రభాస్ లుక్ అంతగా ఆకట్టుకునే విధంగా లేదు అని నెటిజన్లు అభిప్రాయపడుతున్నారు. నిజానికి ఇప్పటివరకు మనం చూసిన పౌరాణిక చిత్రాల్లో రాముడికి మీసం ఉండదు అని చాలా మంది కామెంట్స్ పెడుతున్నారు. మరి అక్టోబర్ 2 న లాంచ్ చేసే టీజర్ ఎలా ఉండబోతుందో..!
Most Recommended Video
అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!
