యంగ్ రెబల్ స్టార్ ప్రభాస్ నటించిన బాహుబలి కంక్లూజన్ షూటింగ్ పూర్తిచేసుకొని, ప్రీ ప్రొడక్షన్ వర్క్ జరుపుకుంటోంది. ఏప్రిల్ 28 న రిలీజ్ చేయడానికి దర్శకధీరుడు ఎస్.ఎస్. రాజమౌళి రాత్రి పగళ్లు శ్రమిస్తున్నారు. డార్లింగ్ వచ్చే నెల నుంచి సుజీత్ దర్శకత్వంలో నటించాల్సి ఉంది. ఎన్నోసార్లు వాయిదా పడిన ఈ మూవీ ఇప్పుడు కూడా పోస్ట్ పోన్ అయింది. ఒక వారం రెండు వారాలు కాదు, ఏకంగా ఐదు నెలలు వాయిదా పడింది. కారణం ఏమిటని ఆరా తీస్తే ప్రధానంగా రెండు విషయాలు తెలిసాయి. మొదటి కారణం ప్రభాస్ పెళ్లి. బాహుబలి కోసం వివాహాన్ని పోస్ట్ పోన్ చేసుకున్న ప్రభాస్ ఇప్పుడు పెళ్లి పీటలు ఎక్కడానికి సిద్దమవుతున్నట్లు కొంతమంది చెబుతున్నారు.
ఆ పనుల కోసం ఐదు నెలలు గ్యాప్ తీసుకున్నట్లు వివరించారు. మరికొంతమంది చెబుతున్న కారణం వేరేగా ఉంది. బాహుబలి 2 ప్రచారానికి ప్రభాస్ బాహుబలి లుక్ లోనే కనిపించాల్సి ఉంటుంది. ఆ మీస కట్టుతోనే మీడియా ముందుకు రావాల్సి ఉంది. ఏప్రిల్ 28 వరకు ఆ లుక్ లోనే కనిపించాలని రాజమౌళి కోరడంతో అందుకు డార్లింగ్ ఓకే చెప్పినట్లు ఫిలిం నగర్ వాసులు వెల్లడించారు. కారణం ఏదైనా సుజీత్ కాంబినేషన్లో సినిమా జూన్ నుంచి సెట్స్ మీదకు వెళ్లడం మాత్రం ఖాయం.
Also, do SUBSCRIBE to our YouTube channel to get latest Tollywood updates.
