Project K: ప్రభాస్ ని నాగ్ అశ్విన్ ఇప్పట్లో వదిలేలాలేరు!

August 16, 2022 / 04:13 PM ISTByFilmy Focus

Join Us

Project K: ప్రభాస్ ని నాగ్ అశ్విన్ ఇప్పట్లో వదిలేలాలేరు!

పాన్ ఇండియా స్టార్ ప్రభాస్ వరుస సినిమాలు చేస్తోన్న సంగతి తెలిసిందే. గతేడాది ‘ఆదిపురుష్’ సినిమాను పూర్తి చేసిన ఆయన ప్రస్తుతం ‘సలార్’, ‘ప్రాజెక్ట్ K’ సినిమాల్లో నటిస్తున్నారు. ఈ సినిమాలన్నింటిపై మంచి బజ్ క్రియేట్ అయింది. ఇవన్నీ ఎప్పుడు రిలీజ్ అవుతాయా..? అని ఆసక్తిగా ఎదురుచూస్తున్నారు అభిమానులు. నిన్ననే ‘సలార్’ సినిమా రిలీజ్ డేట్ ని అనౌన్స్ చేశారు. వచ్చే ఏడాది సంక్రాంతికి ‘ఆదిపురుష్’ రాబోతుంది. ‘ప్రాజెక్ట్ K’ కూడా వచ్చే ఏడాది రిలీజ్ అయ్యే ఛాన్స్ ఉంది.

లేదంటే 2024లో వస్తుంది. ఈ సినిమాను రెండు భాగాలుగా తీయాలనుకుంటున్నారట దర్శకనిర్మాతలు. ఈ మధ్యకాలంలో టాలీవుడ్ లో పార్ట్ 2 సంస్కృతి బాగా ఎక్కువైంది. భారీ బడ్జెట్ తో తెరకెక్కుతోన్న సినిమాలన్నింటికీ పార్ట్ 2 వచ్చేస్తుంది. ‘పుష్ప’ సినిమాకి పార్ట్ 2 రాబోతుంది. ప్రభాస్ నటిస్తోన్న ‘సలార్’ కూడా రెండు భాగాలుగా రానుంది. ఇప్పుడు ఇదే లిస్ట్ లో ‘ప్రాజెక్ట్ K’ కూడా చేరబోతుందని సమాచారం. ప్రభాస్, నాగ్ అశ్విన్ కాంబినేషన్ లో రూపొందుతోన్న ఈ సినిమాను వైజయంతీ మూవీస్ బ్యానర్ పై తెరకెక్కిస్తున్నారు.

దాదాపు రూ.500 కోట్ల బడ్జెట్ తో ఈ సినిమాను నిర్మిస్తున్నారు. కథా పరంగా ఈ సినిమాకి స్పాన్ ఎక్కువ. టైమ్ ట్రావెల్ నేపథ్యంలో సాగే సినిమా కాబట్టి రెండు, మూడు భాగాలైనా తీసుకోవచ్చు. పార్ట్ 2కి సంబంధించిన హింట్ ను ‘ప్రాజెక్ట్ K’ పతాక సన్నివేశాల్లో చూపించబోతున్నారట.

ఈ సినిమా కథలో కొన్ని లింకులు, కొన్ని ప్రశ్నలకు సమాధానం పార్ట్ 2లో తెలుస్తుందట. అంటే ఇప్పట్లో నాగ్ అశ్విన్.. ప్రభాస్ ని వదిలే ఛాన్సే లేదనిపిస్తుంది. ప్రభాస్ తో పాటు మిగిలిన క్యారెక్టర్స్ ను కూడా కంటిన్యూ చేస్తారేమో చూడాలి!