కోట్లను కాదనుకున్న ప్రభాస్

ముద్దు వచ్చినప్పుడే చంక ఎక్కాలన్న.. సామెత ప్రకారం క్రేజ్ వచ్చినప్పుడే స్టార్లు కోట్లు సంపాదించుకోవాలి. ప్రభాస్ మాత్రం అందుకు విరుద్ధంగా వెళ్తున్నారు. కోట్లు కన్నా ఆత్మసంతృప్తే ముఖ్యమని ఆయన భావిస్తున్నారు. బాహుబలి సినిమాతో ఇండియన్ స్టార్ గా ఎదిగిన ప్రభాస్ కి వాణిజ్య కంపెనీలు భారీ ఆఫర్ ని ప్రకటిస్తున్నాయి. తమ కంపెనీకి బ్రాండ్ అంబాసిడర్ గా ఉండమని కోరుతున్నాయి. అయితే యువత ఆరోగ్యానికి హాని చేసే ఉత్పత్తుల జోలికి వెళ్లనని గతంలో స్పష్టం చేశారు. తాజాగా మరో ఆఫర్ ని వదులుకున్నట్లు సమాచారం.

బాడీ బిల్డింగ్ కి అవసరమైన ఉత్పత్తులను తయారు చేసే ఓ కంపెనీ 18 కోట్లు ఇస్తానన్న లెక్కచేయలేదని తెలిసింది. బాడీ నేచురల్ గా రావాలని, అనవసరమైన ప్రొడక్ట్స్ వాడితే సైడ్ ఎఫెక్ట్స్ ఉంటాయని అందుకే ఆ కంపెనీ ప్రచారానికి ఒప్పుకోనట్లు టాక్. ప్రస్తుతం అమెరికాలో రెస్ట్ తీసుకుంటున్న ప్రభాస్ హైదరాబాద్ తిరిగి రాగానే సాహో సినిమాతో పాటు, ఫోర్ వీలర్ కంపెనీ, పెర్ఫ్యూమ్ కంపెనీ ప్రకటన్లో నటించనున్నారు.

Also, do SUBSCRIBE to our YouTube channel to get latest Tollywood updates.