సాహో గురించి ఆసక్తికర సంగతులు చెప్పిన ప్రభాస్!

బాహుబలి సినిమాలు ప్రభాస్ కి ఎంతో మేలుతో పాటు కొంత కీడు కూడా తెచ్చి పెట్టాయి. ఆ కీడు ఏమిటంటే అంచనాలు. బాహుబలి తర్వాత సినిమా అనగానే అంతకంటే బాగుంటుందనే అంచనాతో ప్రతి ప్రేక్షకుడు ఉంటాడు. మరి వారిని సంతృప్తి పరచడం సాధ్యమయ్యే పనేనా? అని అభిమానులు కొంత అనుమానం వ్యక్తం చేస్తున్నారు. అటువంటి సందేహం ఏమి అవసరం లేదని ప్రభాస్ చెబుతున్నారు. సుజీత్ దర్శకత్వంలో తాను చేస్తున్న సాహో మూవీ అందరినీ థ్రిల్ కి గురిచేస్తోందని వివరించారు.

ఈ సినిమాకి బాహుబలి ఫార్ములానే వాడుతున్నామని, సాహోలో స్క్రీన్ ప్లేనే అసలు హీరో అని స్పష్టం చేశారు. అందువల్ల అందరికీ నచ్చుతుందని ప్రభాస్ ధీమా వ్యక్తం చేస్తున్నారు. యూవీ క్రియేషన్స్ బ్యానర్లో వంశీ, ప్రమోద్ లు భారీ బడ్జెట్ తో  నిర్మిస్తున్న ఈ చిత్రంలో బాలీవుడ్ బ్యూటీ శ్రద్ధ కపూర్ హీరోయిన్ గా నటిస్తోంది. బాలీవుడ్ నటులు నీల్ నితిన్ ముఖేష్, చుంకీ పాండే, జాకీ ష్రాఫ్ లు నెగిటివ్ రోల్స్ తో ఆకట్టుకోనున్నారు.