యువ డైరక్టర్ సుజీత్ దర్శకత్వంలో ప్రభాస్ చేస్తున్న సాహో చిత్రం రీసెంట్ గా అబుదాబిలో భారీ షెడ్యూల్ పూర్తి చేసుకుంది. హాలీవుడ్ ఫైట్ మాస్టర్ కెన్నీ బేట్స్ ఆధ్వర్యంలో చిత్రీకరణ జరుపుకున్న ఈ షెడ్యూల్ కి దాదాపు 70 కోట్లు ఖర్చు పెట్టారు. ఈ షూటింగ్ లో ప్రభాస్, శ్రద్ధా కపూర్‌, నీల్ నితిన్ ముకేష్, చుంకే పాండే, జాకీష్రాఫ్, మహేష్ మంజ్రేకర్, మందిర బేడీ తో ఎవ్లిన్‌ శర్మ కూడా పాల్గొన్నారు. కొన్ని రోజుల బ్రేక్ తర్వాత ఈరోజు తాజా షెడ్యూల్ హైదరాబాద్ లో మొదలయింది. తొలి షెడ్యూల్ ఇక్కడే కంప్లీట్ చేశారు. ఇప్పడు కూడా ఓ స్టూడియోలో వేసిన భారీ సెట్స్ లో కొన్ని యాక్షన్ సన్నివేశాలతో పాటు కొన్ని ఎమోషనల్ సన్నివేశాలను చిత్రీకరించనున్నట్లు తెలిసింది.
టి సిరీస్ తో కలిసి యూవీ క్రియేషన్స్ బ్యానర్ పై భారీ బడ్జెట్ తో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ సినిమాకి జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు సంగీతాన్ని అందిస్తున్నారు. బాహుబలి చిత్రాల తర్వాత ప్రభాస్ చేస్తున్న సినిమాపై భారీ అంచనాలున్నాయి. హాలీవుడ్ యాక్షన్ చిత్రాలను తలపించే ఈ మూవీ వేసవికి థియేటర్లో సందడి చేయనుంది.
Home