యంగ్ రెబల్ స్టార్ ప్రభాస్ బాహుబలి తర్వాత డైరక్టర్ సుజీత్ దర్శకత్వంలో సాహో సినిమా చేస్తున్న సంగతి తెలిసిందే. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ సినిమా రెండో షెడ్యూల్స్ విజయవంతంగా పూర్తిచేసుకుంది. మూడో షెడ్యూల్ కి సిద్ధమవుతోంది. ఇందులో హీరోయిన్ గా నటిస్తున్న బాలీవుడ్ బ్యూటీ శ్రద్ధ కపూర్ పై ప్రభాస్ ప్రశంసల వర్షం కురిపించారు. “ఈ సినిమాలో శ్రద్ధాను కేవలం పాటల్లో కనిపించడం కోసం, డ్యాన్స్ సీక్వెన్స్ కోసం తీసుకోలేదు. తన పాత్రకు చాలా ఇంపార్టెన్స్ ఉంది. శ్రద్ధా స్వయంగా కొన్ని యాక్షన్ సీన్స్ లో స్టెంట్స్ చేయనుంది. తాను మా టీమ్ లో జాయిన్ అయినందుకు అందరం సంతోషంగా ఉన్నాము” అని అభినందించారు. ప్రస్తుతం లాస్ ఏంజిల్స్ లో ప్రభాస్ రెస్ట్ తీసుకుంటున్నారు.
జనవరిలో హైదరాబాద్ కి రానున్నారు. వచ్చిన తర్వాత 45 రోజుల లాంగ్ షెడ్యూల్ లో పాల్గొనున్నారని తెలిసింది. ఈ షెడ్యూల్ దుబాయ్ శివార్లలో జరగనుంది. అక్కడ కొండల నడుమ పెద్ద యాక్షన్ సీన్ ప్లాన్ చేశారు. మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ ని ఆధ్వర్యంలో ఈ ఫైట్ తెరకెక్కించనున్నారు. ముప్పై కోట్లు ఖర్చు చేయనున్న ఈ ఫైట్ సినిమాలోనే హైలెట్ కానుంది. జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు సాహోకి సంగీతాన్ని అందించనున్నారు. విలన్ గా నీల్ నితిన్ ముకేష్, మరికొన్ని కీలక పాత్రలో చుంకే పాండే, జాకీష్రాఫ్, మహేష్ మంజ్రేకర్, మందిర బేడీ, టిన్ను ఆనంద్ లు నటిస్తున్న ఈ సినిమాకోసం ప్రభాస్ అభిమానులు ఎంతగానో ఎదురుచూస్తున్నారు.
Home