ప్రభాస్, సుజీత్ కాంబో సినిమా ప్రారంభం

యంగ్ రెబల్ స్టార్ ప్రభాస్ అభిమానులకు శుభవార్త. రన్ రాజా రన్ దర్శకుడు సుజీత్ దర్శకత్వంలో డార్లింగ్ నటించనున్న మూవీ ప్రారంభానికి నోచుకుంది. యువీ క్రియేషన్స్ బ్యానర్లలో వంశీ, ప్రమోద్ లు 150 కోట్ల బడ్జెట్ తో తెరకెక్కించనున్న త్రిభాషా చిత్రం కోసం నేడు (సోమవారం)  ముహూర్తపు షాట్ ని చిత్రీకరించారు.  ప్రభాస్ పోలీసాఫీసర్ గా నటిస్తున్న ఈ మూవీకి సినిమాటోగ్రాఫర్ గా మధిని తీసుకున్నారు. అలాగే జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు డార్లింగ్ ఫిల్మ్ కి సంగీతాన్ని అందించనున్నారు. ఎక్కువ భాగం దుబాయ్ లో షూటింగ్ జరుపుకోనున్న ఈ మూవీకి  మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ యాక్షన్ సీన్స్ కంపోజ్ చేయనున్నారు.

ప్రభాస్ నటించిన బాహుబలి కంక్లూజన్ ప్రస్తుతం పోస్ట్ ప్రొడక్షన్ వర్క్ దశలో ఉంది. వీఎఫ్ఎక్స్ నిపుణులు పోరాట సన్నివేశాలకు మెరుగులు దిద్దుతున్నారు. దర్శకధీరుడు ఎస్.ఎస్.రాజమౌళి తెరకెక్కించిన ఈ కళాఖండం ప్రపంచవ్యాప్తంగా ఏప్రిల్ 28 న విడుదల కానుంది. ఈ చిత్రం రిలీజ్ అయిన వెంటనే అంటే మే నెలలో ప్రభాస్, సుజీత్ కాంబినేషన్లో సినిమా రెగ్యులర్ షూటింగ్ కి వెళ్లనుంది.

Also, do SUBSCRIBE to our YouTube channel to get latest Tollywood updates.