ప్రభాస్ సినిమాలో రిపీట్ కానున్న ‘గజనీ’, ‘అల్లుడు శీను’ ఫీట్..?

సినిమాల్లో హీరో రెండు పాత్రల్లో, అదీ అన్నదమ్ముల్లా (కవల పిల్లలు) కనపడటం కొత్త విషయమేమీ కాదు. నలుపు తెలుపు రంగుల కాలం నుండీ చూస్తున్నదే. అప్పట్లో బుగ్గనో ఓ పెద్ద మచ్చ లాంటివి పెడితే ఇప్పుడు కట్టు బొట్టు మార్చి చూపిస్తున్నారంతే. అయితే ప్రతినాయకుడు రెండు పాత్రల్లో దర్శనమివ్వడం బాగా అరుదు. అలంటి ఫీట్ తోనే ‘గజినీ’ సినిమాని మరో మెట్టెక్కించారు మేటి దర్శకుడు మురుగదాస్. ఇప్పుడు ప్రభాస్ సినిమాలోను ఇదే ఫీట్ రిపీట్ అవనుంది.

ప్రభాస్ హీరోగా సుజిత్ ఓ సినిమాకి దర్శకత్వం వహించనున్న సంగతి తెలిసిందే. యాక్షన్ థ్రిల్లర్ గా తెరకెక్కనున్న ఈ సినిమాలో ప్రముఖ బాలీవుడ్ నటుడు నీల్ నితిన్ విలన్ పాత్రలో కనపడనున్నారు. అయితే ఈ సినిమాలో అతగాడు రెండు పాత్రలో నటించనున్నాడట అచ్చం ‘గజనీ’ సినిమాలా. అయితే అక్కడ ప్రదీప్ రావత్ రెండు పాత్రల్లోనూ విలన్ ఛాయలతోనే కనపడతాడు. ఇక్కడ మాత్రం ఒక పాత్రలో పాజిటివ్ రోల్ చేయనున్న నీల్ నితిన్ ముఖేష్ మరో పాత్ర కోసం విలన్ గా మారిపోనున్నాడు. ఒక్కమాటలో చెప్పాలంటే ‘అల్లుడు శీను’ సినిమాలో ప్రకాష్ రాజ్ పాత్రని పోలి ఉంటుంది. ఈ మెలిక భలే వుంది కదూ. సినిమా ఇంకెంత ఆసక్తికరంగా ఉంటుందో..!!

Also, do SUBSCRIBE to our YouTube channel to get latest Tollywood updates.