ప్రభాస్ తమన్నా కాంబినేషన్ లో రెబల్, బాహుబలి1, బాహుబలి2 సినిమాలు తెరకెక్కాయి. ఈ సినిమాలలో రెబల్ ఆశించిన ఫలితాన్ని అందుకోకపోయినా బాహుబలి1, బాహుబలి2 సినిమాలు మాత్రం ఇండస్ట్రీ హిట్లుగా నిలిచాయి. అయితే ప్రభాస్ తమన్నాలకు సంబంధించిన ఓల్డ్ వీడియో ఒకటి సోషల్ మీడియాలో వైరల్ అవుతోంది. వైరల్ అవుతున్న వీడియోలో ప్రభాస్ తమన్నాకు చెస్ నేర్పించారు. ఈ త్రోబ్యాక్ వీడియోను చూసిన కొంతమంది నెటిజన్లు ప్రభాస్ మాకు కూడా చెస్ నేర్పించాలంటూ కామెంట్లు చేస్తున్నారు.
రెబల్ సినిమా షూట్ సమయంలో ప్రభాస్ తమన్నాకు చెస్ నేర్పించాడని సమాచారం అందుతోంది. రెబల్ క్లైమాక్స్ షూట్ సమయంలో ప్రభాస్ తమన్నాకు చెస్ నేర్పించగా ఇందుకు సంబంధించిన వీడియో నెటిజన్లను తెగ ఆకట్టుకుంటోంది. ప్రస్తుతం ప్రభాస్, తమన్నా వేర్వేరు ప్రాజెక్ట్ లతో బిజీగా ఉన్నారనే సంగతి తెలిసిందే. ప్రభాస్ ప్రస్తుతం వరుస ప్రాజెక్ట్ లతో బిజీగా ఉండగా ఆదిపురుష్ సినిమా వచ్చే ఏడాది సమ్మర్ కానుకగా విడుదల కానుంది.
ఈ సినిమా కచ్చితంగా సక్సెస్ ను సొంతం చేసుకోవడంతో పాటు ప్రభాస్ కెరీర్ లో బిగ్గెస్ట్ హిట్ గా నిలుస్తుందని ఫ్యాన్స్ అనుకుంటున్నారు. ఓం రౌత్ ఈ సినిమాకు దర్శకత్వం వహించగా ఈ సినిమాలో ప్రభాస్ రాముని పాత్రలో కనిపిస్తున్న సంగతి తెలిసిందే. కృతిసనన్ ఈ సినిమాలో సీత రోల్ లో కనిపిస్తుండటం గమనార్హం. ప్రభాస్ గత సినిమాలు ఆశించిన ఫలితాలను అందుకోని నేపథ్యంలో ఈ సినిమాపైనే ఆయన చాలా ఆశలు పెట్టుకున్నారు.
ఒక్కో సినిమాకు 100 కోట్ల రూపాయల రేంజ్ లో రెమ్యునరేషన్ తీసుకుంటున్న ప్రభాస్ సినిమాసినిమాకు తన క్రేజ్ మరింత పెరిగేలా జాగ్రత్తలు తీసుకుంటున్నారు. ప్రభాస్ సినిమాలన్నీ పాన్ ఇండియా సినిమాలుగా అత్యంత భారీ బడ్జెట్ తో తెరకెక్కుతున్నాయి. త్వరలో ప్రభాస్ కొత్త ప్రాజెక్ట్ లను ప్రకటించనున్నారని తెలుస్తోంది.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home