Prabhas: బాలీవుడ్‌ స్టార్‌ నో చెప్పాడు… ప్రభాస్‌ యస్‌ చెప్పాడా? కానీ ఎప్పుడు?

ప్రభాస్‌ (Prabhas)  నుండి కొత్త సినిమా అనౌన్స్‌మెంట్‌ అంటే ఓ పట్టాన నమ్మే పరిస్థితి లేదు. ఎందుకంటే ఆయన చేతిలో ఇప్పుడు ఐదు సినిమాలు ఉన్నాయి. ఇన్ని సినిమాలున్నా ఆయన కొత్త కథలు వింటున్నాడు అని, అనౌన్స్‌మెంట్‌లు ఉంటాయి అని వార్తలు వస్తున్నాయి. దీంతో అంత టైమ్‌ ఎక్కడుంది నీ దగ్గర డార్లింగ్‌. ఎన్నేళ్ల వరకు డైరీ బిజీ చేసుకుంటావు అని అనుకుంటున్నారు. ఇలాంటి ప్రశ్నల నడుమ రేపో, మాపో కొత్త సినిమా అనౌన్స్‌మెంట్ అంటున్నారు.

Prabhas

ప్రభాస్ చేతిలో ఇప్పుడు మొత్తంగా అయిదు ప్రాజెక్ట్‌లు ఉన్నాయి. మారుతితో (Maruthi Dasari) ‘ది రాజా సాబ్’  (The Rajasaab) , సందీప్‌ రెడ్డి వంగా (Sandeep Reddy Vanga)  ‘స్పిరిట్’ (Spirit), హను రాఘవపూడి  (Hanu Raghavapudi)  ‘ఫౌజీ’ (ప్రచారంలో ఉన్న టైటిల్‌), ప్రశాంత్‌ నీల్‌ (Prashanth Neel) ‘సలార్‌: శౌర్యాంగ పర్వం’(Salaar), నాగ్‌ అశ్విన్‌ (Nag Ashwin) ‘కల్కి 2’ (Kalki 2898 AD)ఉన్నాయి. దీనికి ప్రశాంత్‌ వర్మ (Prashanth Varma) సినిమాను యాడ్‌ చేస్తున్నారు అని సమాచారం. ఇటీవల ప్రభాస్‌కు ప్రశాంత్‌ వర్మ ఓ కథ చెప్పారట. అందులో నెగిటివ్‌ షేడ్స్‌ ఉన్న పాత్రలో నటిస్తాడట.

ప్రశాంత్‌ వర్మ – నెగిటివ్‌ షేడ్స్‌ అనగానే మనకు మొన్నీమధ్య ప్రచారంలో ఉన్న ఓ టైటిల్‌, ప్రాజెక్ట్‌ గుర్తుకు రాకమానదు. బాలీవుడ్‌ స్టార్‌ హీరో రణ్‌వీర్‌ సింగ్‌కు (Ranveer Singh) ప్రశాంత్‌ వర్మ ఓ కథ చెప్పాడని, ప్రాజెక్ట్‌ ఓకే అయిందని, పోస్టర్‌ ఫొటో షూట్‌ కూడా అయింది అని వార్తలొచ్చాయి. లేదు లేదు అంటూ మైత్రీ మూవీ మేకర్స్‌ ఆ సినిమాను అనౌన్స్‌ చేసింది. ఆ వెంటనే క్యాన్సిల్‌ చేసింది. ఇప్పుడు ఈ ప్రాజెక్టే ప్రభాస్‌తో అంటున్నారు.

ప్రభాస్‌ ‘రాజాసాబ్’ సినిమా పనులు పూర్తి చేసేశాడు అంటున్నారు. ‘ఫౌజీ’ పనులు కూడా మొదలయ్యాయి. ‘స్పిరిట్’ పనుల్ని సందీప్‌ రెడ్డి వంగా వచ్చే ఏడాది ప్రథమార్ధంలో ఈ సినిమా మొదలవుతుంది అని టాక్‌. ఆ తర్వాతే ‘సలార్‌ 2’, ‘కల్కి 2’ అంటున్నారు. అయితే ఆఖరి రెండు సినిమాల విషయంలో ఇంకా క్లారిటీ లేదు. దీంతో ఆ గ్యాప్‌లో ‘బ్రహ్మరాక్షస’ పూర్తి చేయాలని అనుకుంటున్నాడట. ఇంకా టైటిల్‌ చెప్పలేదు కానీ.. రణ్‌వీర్‌తో సినిమా అన్నప్పుడు ఈ టైటిలే అనుకున్నారు.

సాయి పల్లవి సినిమాకు అతిపెద్ద చాలెంజ్!