ఛలో ఇటలీ.. అంటున్న ‘రాధే శ్యామ్’ మూవీ యూనిట్..!

September 22, 2020 / 06:10 PM ISTByFilmy Focus

Join Us

ఛలో ఇటలీ.. అంటున్న ‘రాధే శ్యామ్’ మూవీ యూనిట్..!

కరోనా కారణంగా ఆగిపోయిన సినిమాల షూటింగ్లు.. ఇప్పుడిప్పుడే మొదలవుతున్నాయి.మొన్నటి వరకూ విదేశాల్లో కరోనా కలకలం ఎక్కువ ఉండడంతో అక్కడ చాలా వరకూ షూటింగ్లు జరుపుకున్న సినిమాల.. బ్యాలన్స్ షూటింగ్లను ఇక్కడే సెట్లు వేసి చిత్రీకరించాలని ఆయా చిత్రాల యూనిట్ సభ్యులు ప్లాన్ చేశారు. అయితే ఇప్పుడు విదేశాల్లోనే కరోనా భయం అంత ఎక్కువగా లేదని గమనించి.. మళ్ళీ అక్కడికే పయనమవుతున్నారని వినికిడి. ఈ లిస్ట్ లో ‘రాధే శ్యామ్’ టీం ముందున్నట్టు తెలుస్తుంది.

లాక్ డౌన్ కు ముందు ‘రాధే శ్యామ్’ షూటింగ్ ఇటలీలో చాలా వ‌ర‌కూ జరిపారు.కరోనా ప్రభావం వల్ల.. హైద‌రాబాద్ లో కొన్ని సెట్స్‌ వేసి.. ఇట‌లీకి మ్యాచ్ అయ్యే ఇండోర్ సీన్లు తీశారట. అయితే ఒరిజినాలిటీ మిస్ అవ్వుతుందని భావించి కొన్ని సీన్ల కోసం ‘రాధే శ్యామ్’ టీం మళ్ళీ ఇట‌లీ వెళ్ళడానికి రెడీ అవుతున్నారట. అందుకోసం 15 రోజుల ఓ చిన్న షెడ్యూల్ వేసుకుని ఇటలీ వెళ్ళబోతున్నారని తెలుస్తుంది‌.

Prabhas20 first look, Radhe Shyam becomes a talking point1

అందుకు సంబంధించిన అనుమ‌తులు తీసుకోవడం, వీసాలు రాబట్టుకోవడం కూడా జరిగిపోయిందట. సెప్టెంబర్ ఎండింగ్లో లేదా అక్టోబ‌రు మొద‌టి వారంలో ‘రాధే శ్యామ్’ టీం ఇట‌లీ వెళ్లబోతుందట. 15 రోజుల షెడ్యూల్ పూర్తయిన వెంటనే మళ్ళీ తిరిగొచ్చి… హైద‌రాబాద్ అన్న‌పూర్ణ స్టూడియోస్ లో బ్యాలన్స్ షూటింగ్ జరుపుతారని సమాచారం.