“బాహుబలి”తో వరల్డ్ వైడ్ క్రేజ్ సంపాదించుకొన్న ప్రభాస్ ను మళ్ళీ వెండితెరపై ఎప్పుడు చూస్తామా అని ప్రభాస్ వీరాభిమానులతోపాటు ప్రతి తెలుగు-హిందీ-తమిళం-మలయాళం ప్రేక్షకుడు ఎంతో ఆతృతగా ఎదురుచూస్తున్నాడు. “రన్ రాజా రన్” ఫేమ్ సుజిత్ దర్శకత్వంలో “సాహో” సినిమా మొదలెట్టి నెలలు గడుస్తున్నా ఇప్పటివరకూ సినిమాకి సంబంధించిన ఎలాంటి అప్డేట్ లేకపోవడంతో అభిమానులు కాస్త డీలా పడ్డారు. వారికోసం ఒక మంచి శుభవార్త.
అదేంటంటే.. జనవరి లేదా ఫిబ్రవరి నుంచి “జిల్” ఫేమ్ రాధాకృష్ణ దర్శకత్వంలో ప్రభాస్ తదుపరి సినిమా షూటింగ్ మొదలవ్వనుంది. “సాహో”తోపాటు రాధాకృష్ణ సినిమా షూటింగ్ కూడా ఒకేసారి చేయనున్నాడట ప్రభాస్. ఇది ప్రభాస్ అభిమానులకు నిజంగా శుభవార్తే కదా. పైగా.. 2018లో ప్రభాస్ రెండు సినిమాలు విడుదలకానున్నాయి. ఒకేసారి రెండు సినిమాల్లో నటించడం మాత్రమే కాక ఆ రెండు సినిమాలు ఒకే ఏడాదిలో విడుదల చేసేందుకు ప్రభాస్ చేస్తున్న ప్రయత్నాలు ప్రశంసనీయం.
Home