కంటికి కనిపించని కరోనా వైరస్ స్టార్ హీరోల నుంచి చిన్న హీరోల వరకు అందరినీ టెన్షన్ పెడుతోంది. సెట్ లో ఒక్కరికి కరోనా సోకినా షూటింగ్ వాయిదా పడటంతో పాటు షూటింగ్ లో పాల్గొన్న వాళ్లంతా క్వారంటైన్ లోకి వెళ్లాల్సిన పరిస్థితి ఏర్పడింది. స్టార్ హీరో ప్రభాస్ నటిస్తున్న రాధేశ్యామ్ సినిమా షూటింగ్ వాయిదా పడిన సంగతి తెలిసిందే. మొదట పూజా హెగ్డే హాజరు కాకపోవడం వల్ల ఈ సినిమా షూటింగ్ వాయిదా పడిందని వార్తలు వచ్చాయి.
అయితే ఈ సినిమా షూటింగ్ వాయిదా పడటానికి అసలు కారణం వేరే ఉందని తెలుస్తోంది. సలార్, అదిపురుష్ సినిమాల షూటింగ్ లతో బిజీగా ఉన్న ప్రభాస్ రాధేశ్యామ్ సినిమాకు అతి కష్టం మీద డేట్లు ఇచ్చారు. పదిరోజుల షూటింగ్ పూర్తైతే రాధేశ్యామ్ సినిమాకు సంబంధించిన వర్క్ అంతా పూర్తవుతుందని ప్రభాస్ భావించారు. అయితే ప్రభాస్ మేకప్ మాన్ కు కరోనా సోకడంతో ఈ సినిమా షూటింగ్ వాయిదా పడినట్లు తెలుస్తోంది.
వేరే మేకప్ మాన్ ను తీసుకుని షూటింగ్ చేసే అవకాశం ఉన్నా ప్రభాస్ ఈ సినిమాలో వింటేజ్ లుక్ లో కనిపిస్తుండటంతో ఇతర మేకప్ మాన్ ల వల్ల లుక్ మారే అవకాశం ఉందని నిర్మాతలు భావిస్తున్నట్టు సమాచారం. రాధేశ్యామ్ సినిమా కరోనా వల్ల ఆగిపోవడంతో ప్రభాస్ టెన్షన్ పడుతున్నట్టు తెలుస్తోంది. ఇప్పటికే జులై 30వ తేదీన సినిమాను రిలీజ్ చేస్తున్నట్టు ప్రకటన వెలువడింది. ఈ సినిమాకు జస్టిస్ ప్రభాకరన్ సంగీతం అందిస్తుండగా మనోజ్ పరమహంస సినిమాటోగ్రాఫర్ గా వ్యవహరిస్తున్నారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
