ప్రభాస్ ఆల్రెడీ పాన్ ఇండియా స్టార్ అయిపోయాడు. ఇంకా రానాని వాడుకోవడం ఏంటి? అని మీకు అనిపించవచ్చు. కానీ ‘బాహుబలి’ (సిరీస్) ద్వారా ప్రభాస్ అంత క్రేజ్ సంపాదించుకోవడానికి పరోక్షంగా రానా కూడా ఓ కారణమనే చెప్పాలి. హీరో ఎంత పవర్ ఫుల్ గా ఉంటాడో.. అతనికి తగినట్టుగా ధీటైన విలన్ కూడా ఉండాలి అనే ఉద్దేశంతోనే రానా ని ఎంచుకున్నట్టు దర్శకుడు రాజమౌళి ఓ సందర్భంలో చెప్పుకొచ్చాడు. అందుకు రానా కూడా వందకు వంద శాతం న్యాయం చేసాడనే చెప్పాలి.
బాలీవుడ్ లో అయితే వీరి కాంబినేషన్ కు భారీ క్రేజ్ ఏర్పడింది. ప్రభాస్, రానా కాంబినేషన్లో వచ్చే సన్నివేశాలను ఇప్పటికీ వారు చూస్తూ ఎంజాయ్ చేస్తూనే ఉన్నారు. దీంతో మరోసారి రానాని తన సినిమాలో తీసుకోవాలి అని ప్రభాస్ ఫిక్స్ అయినట్టు తెలుస్తుంది. వివరాల్లోకి వెళితే.. ప్రభాస్ ఇప్పుడు ‘జిల్’ ఫేమ్ రాధా కృష్ణకుమార్ డైరెక్షన్లో ఓ సినిమా చేస్తున్న సంగతి తెలిసిందే. అయితే ఈ చిత్రంలో ఓ పాత్రకు రానాని తీసుకోబోతున్నారని తెలుస్తుంది. అయితే ఈ పాత్ర సినిమా అంతా ఉండదట.
కేవలం 2-3 నిముషాలు మాత్రమే ఉంటుందని సమాచారం. తిరిగి షూటింగ్ ప్రారంభం అయిన వెంటనే రానా కి సంబందించిన సన్నివేశాన్ని షూట్ చేయబోతున్నారట. ఇక ఈ చిత్రానికి ‘రాధే శ్యామ్’ అనే టైటిల్ దాదాపు ఖరారు అయిపోయిందని ప్రచారం నడుస్తుంది. పూజా హెగ్దే హీరోయిన్ గా నటిస్తున్న సంగతి తెలిసిందే.
Most Recommended Video
మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!
