Prabhas: ఆ స్టార్ డైరెక్టర్ తో సినిమా చెయ్యాలని ఆశపడుతున్న ప్రభాస్..!

‘బాహుబలి'(సిరీస్) తో ఒక్కసారిగా పాన్ ఇండియా స్టార్ అయిపోయాడు ప్రభాస్. గతంలో రూ.40 కోట్లు ఉండే అతని మార్కెట్ ఇప్పడు పది రెట్లు అంటే రూ.400 కోట్లకు ఎగబాకింది. ప్రస్తుతం 3 ప్రాజెక్టులతో యమ బిజీగా గడుపుతున్నాడు ప్రభాస్. రాధా కృష్ణకుమార్ డైరెక్షన్లో చేస్తున్న ‘రాధే శ్యామ్’ ఫినిషింగ్ స్టేజిలో ఉంది. ఆ తరువాత ఓం రౌత్ డైరెక్షన్లో ‘ఆది పురుష్’ అలాగే ప్రశాంత్ నీల్ డైరెక్షన్లో ‘సలార్’ మూవీస్ చేస్తున్నాడు. అక్టోబర్ నుండీ నాగ్ అశ్విన్ డైరెక్షన్లో మరో సినిమా చెయ్యడానికి రెడీ అవుతున్నాడు. అది పూర్తిగా సైన్స్ ఫిక్షన్ మూవీగా రూ.500కోట్ల భారీ బడ్జెట్ తో తెరకెక్కనుంది.

అటు తరువాత ప్రభాస్ తో సినిమాలు చెయ్యాలని ఎంతో మంది దర్శక నిర్మాతలు ప్రయత్నిస్తున్నారు. కానీ ప్రభాస్ కాల్షీట్లు 2025 వరకు ఖాళీ లేవు అని వినికిడి. అయితే ప్రభాస్ కు మాత్రం ఓ స్టార్ డైరెక్టర్ తో సినిమా చెయ్యాలని చాలా ఆశగా ఉందట.అవకాశం వస్తే ఆ డైరెక్టర్ తో సినిమా చేసే అవకాశం మిస్ చేసుకోను అని అతను చెబుతున్నాడు.ఇంతకీ ప్రభాస్ ఏ స్టార్ దర్శకుడితో సినిమా చెయ్యాలని ఆశపడుతున్నాడు? అనేగా మీ డౌట్. ఆ దర్శకుడు మరెవరో కాదు రాజ్ కుమార్ హిరాణి. ‘3 ఇడియట్స్’, ‘మున్నాభాయ్ ఎంబీ బీఎస్’, ‘పికె’ వంటి సినిమాలకు ప్రభాస్ పెద్ద ఫ్యాన్ అట.”

‘ఓ కాన్సెప్ట్ ను చక్కగా చెబుతూనే ఎంటర్టైన్మెంట్ కు లోటు లేకుండా సినిమాను తెరకెక్కిస్తాడు దర్శకుడు రాజ్ కుమార్ హిరాణి’… ఆయనతో సినిమా చెయ్యడం నా డ్రీం” అంటున్నాడు ప్రభాస్. ఏకంగా పాన్ ఇండియా స్టార్.. ఓ డైరెక్టర్ కోసం ఇంతలా వెయిట్ చేస్తున్నాను అని చెప్పడం విడ్డూరంగా అనిపిస్తుంది.మరి అతని కోరిక ఇప్పట్లో తీరుతుందా అనేది పెద్ద ప్రశ్న.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!