ఫారిన్ లో.. ఫ్యామిలీతో ప్రభాస్.. వైరలవుతున్న పిక్..!

ఏ ముహూర్తాన ‘బాహుబలి’ కి కమిట్ అయ్యాడో కానీ అప్పటి నుండీ రెస్ట్ లేకుండా గడుపుతూ వచ్చాడు ప్రభాస్. ఇక ‘బాహుబలి2’ అయిపోయాక అయినా ఖాళీ అయ్యాడా అంటే.. మళ్ళీ ‘సాహో’ వంటి పెద్ద ప్రాజెక్ట్ ను ఓకే చేసి.. మళ్ళీ రెండేళ్ళు దానికి సమర్పించాడు. అలా మొత్తంగా 6 ఏళ్ళ వరకూ ‘రెస్ట్ లెస్’ గా ఉంటూ వచ్చాడు. ఇక ఇప్పుడు ‘సాహో’ కూడా అయిపొయింది. తన తరువాతి సినిమాకి చిన్న గ్యాప్ ఇచ్చి ఫ్యామిలీతో కలిసి ‘ఫారిన్ టూర్’ వెళ్ళాడు మన డార్లింగ్.

ఇక అక్కడ సరదాగా.. ఫ్యామిలీతో దిగిన ఫోటో ఒకటి సోషల్ మీడియాలో తెగ వైరల్ అవుతుంది. ఈ ఫోటోలో ప్రభాస్ పెదనాన్న కృష్ణంరాజుతో పాటు.. ఆయన సతీమణి శ్యామలా దేవి, అలాగే ప్రభాస్ కజిన్(సిస్టర్) కూడా ఉంది. ఇక ప్రభాస్ ఈ ఫొటోలో మీసం, గడ్డం లేకుండా ఉన్నాడు. ప్రభాస్ ఇప్పుడు ‘జిల్’ ఫేమ్ రాధాకృష్ణ కుమార్ డైరెక్షన్లో ఓ చిత్రం చేస్తున్నాడు. 1960 లో సాగే ప్రేమ కథ.. అలాగే ఇప్పటి కాలానికి చెందిన ప్రేమకథ నేపథ్యంలో ఈ చిత్రం తెరకెక్కనుంది. అయితే ఈ ఫొటోలో ప్రభాస్ లుక్ బట్టి.. అది సినిమాలో ఫ్లాష్ బ్యాక్ ఎపిసోడ్ లో వచ్చే లుక్ అయ్యుండొచ్చు అని ఫిలిం విశ్లేషకులు చెబుతున్నారు.

‘సైరా’ సినిమా రివ్యూ & రేటింగ్!
వార్ సినిమా రివ్యూ & రేటింగ్!