యంగ్ రెబల్ స్టార్ ప్రభాస్ బాహుబలి కంక్లూజన్ తర్వాత చేయనున్న సినిమా పనులు చకచకా జరుగుతున్నాయి. డైరక్టర్ సుజీత్ దర్శకత్వంలో, యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మించనున్న ఈ మూవీ గత నెలలో పూజా కార్యక్రమాలు జరుపుకుంది. త్వరలో రెగ్యులర్ షూటింగ్ కి వెళ్లనుంది. అయితే దానికంటే ముందు ఈ సినిమా టీజర్ రెడీ కావడం విశేషం. పోలీసాఫీసర్ గా ప్రభాస్ కొన్ని యాక్షన్ షాట్స్ డైరక్టర్ చిత్రీకరించినట్లు తెలిసింది. సాహో అనే టైటిల్ పరిశీలిస్తున్న ఈ చిత్రం టీజర్ ని బాహుబలి 2 రిలీజ్ కంటే ఒక రోజు ముందే రిలీజ్ చేసేందుకు సుజీత్ ప్రయత్నిస్తున్నట్లు సమాచారం.
ఇదే నిజమైతే.. ఒక సినిమా రిలీజ్ కంటే ముందు దాని తరవాత సినిమా టీజర్ రిలీజ్ కావడం తెలుగు చిత్ర పరిశ్రమలోనే ఇది తొలిసారి అవుతుంది. ఆ రికార్డ్ డార్లింగ్ ఖాతాలో పడనుంది. దుబాయ్ లో ఎక్కువగా షూటింగ్ జరుపుకోనున్న ఈ చిత్రంలో ప్రభాస్ సరసన కన్నడ బ్యూటీ రష్మిక మందనా ఆడి పాడనుండగా, బాలీవుడ్ హీరో వివేక్ ఒబెరాయ్ విలన్ గా నటించనున్నారు. జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు డార్లింగ్ ఫిల్మ్ కి సంగీతాన్ని అందించనున్నారు.
Also, do SUBSCRIBE to our YouTube channel to get latest Tollywood updates.
