ప్రభాస్ కోసం మాస్ స్టోరీ సిద్ధం చేస్తున్న ప్రభుదేవా

క్లాస్ గా ఉండే ప్రభాస్ మాస్ కథతోనే చిత్ర పరిశ్రమలోకి అడుగుపెట్టారు. తొలి సినిమా ఈశ్వర్ తోనే మాస్ ప్రేక్షకులను ఆకట్టుకున్నారు. అప్పటి నుంచి ఇప్పటి వరకు వారికీ నచ్చే విధంగా సినిమాలు చేస్తున్నారు. ఇప్పుడు మరో మాస్ స్టోరీ ప్రభాస్ కోసం సిద్ధమవుతోంది. ప్రభాస్ తో క్లాసికల్ మూవీ పౌర్ణమి ని తెరకెక్కించిన ప్రభుదేవా ఈసారి ఊరమాస్ సినిమా చేయబోతున్నారు. ఆ స్క్రిప్ట్ పనిలోనే ప్రభుదేవా బిజీగా ఉన్నారు. దీనిపై ప్రభుదేవా స్పందిస్తూ… ‘‘ప్రభాస్‌ హీరోగా ఓ సినిమా చేయాలని ఎప్పట్నుంచో అనుకుంటున్నా. ‘బాహుబలి’ వచ్చిందనో… బిజినెస్‌ బాగా జరుగుతుందనో… మేం సినిమా చేయాలనుకోవడం లేదు’’ అన్నారు ప్రభుదేవా.

గోపి కృష్ణ ఫిలిమ్స్ బ్యానర్లో ఈ మూవీని ఏకకాలంలో హిందీ, తెలుగు, తమిళ భాషల్లో నిర్మించాలని కృష్ణం రాజు అనుకుంటున్నారు. బాహుబలి తర్వాత యంగ్ రెబల్ స్టార్ ‘రన్ రాజా రన్’ ఫేమ్ సుజీత్ డైరెక్షన్లో సాహో సినిమా చేస్తున్నారు. యువీ క్రియేషన్స్ బ్యానర్లో భారీ బడ్జెట్ లో తెరకెక్కుతున్న ఈ మూవీ పనుల్లో ప్రభాస్ నిమగ్నమయి ఉన్నారు. ఈ చిత్రం పూర్తి కాగానే ప్రభుదేవా ప్రాజక్ట్ ని పట్టాలెక్కించనున్నారు.

Also, do SUBSCRIBE to our YouTube channel to get latest Tollywood updates.