Vijay: కోలీవుడ్‌లో క్రేజీ కాంబినేషన్‌ వర్కవుట్‌ అవుతోందా?

సినిమా హిట్‌ అయితే చాలు.. చటుక్కున అడ్వాన్స్‌ ఇచ్చి ఆ డైరక్టర్‌ డేట్స్‌ని ఓకే చేసుకుంటుంటారు మన దగ్గర నిర్మాతలు. అయితే తమిళంలో ఇది కాస్త డిఫరెంట్‌గా ఉంటుంది. సినిమా హిట్‌ అవ్వడం ఆలస్యం.. ఆ దర్శకుడి దగ్గర ఏదైనా కథ ఉందా? అని చూస్తుంటారు అక్కడి హీరోలు. తొలి సినిమాతో విజయం అందుకున్న దర్శకుల మీద అయితే దృష్టి ఇంకా ఎక్కువగా ఉంటుంది. అలా ఇప్పుడు ‘లవ్‌ టుడే’ దర్శకుడి మీద కోలీవుడ్‌ చూపు పడిందట.

విజయ్ హీరోగా నటిస్తున్న ‘వారసుడు’ సంక్రాంతికి ప్రేక్షకుల ముందుకొస్తోంది. ఆ సినిమా వెంటనే లోకేశ్‌ కనగరాజ్‌ సినిమా స్టార్ట్‌ చేస్తారు. అయితే ఆ తర్వాత విజయ్‌ ఏ సినిమా చేస్తాడు అనే విషయంలోనే ఇప్పుడు చర్చ నడుస్తోంది. చాలా మంది దర్శకుల పేర్లు వినిపిస్తున్నప్పటికీ.. అందులో ఆసక్తికరంగా వినిపిస్తున్న పేరు ప్రదీప్‌ రంగనాథన్‌. ‘లవ్‌ టుడే’ అనే సినిమాతో ఇటీవల కాలంలో అదిరిపోయే హిట్‌ అందుకున్న ఈ హీరో కమ్‌ డైరక్టర్‌కు విజయ్‌ ఛాన్స్‌ ఇచ్చాడు అని సమాచారం.

విజయ్‌కి ప్రదీప్‌ రంనాథన్‌ ఇటీవల ఓ స్టోరీ పాయింట్‌ చెప్పారట. దానికి ఇంప్రెస్‌ అయిన విజయ్‌.. పూర్తి స్థాయి కథ రెడీ చేయమని చెప్పారట. త్వరలో దీనికి సంబంధించి అధికారిక ప్రకటన వస్తుంది అని అంటున్నారు. మరి పూర్తి స్థాయి కథ విజయ్‌కి నచ్చుతుందా? సినిమా పట్టాలెక్కుతుందా అనేది చూడాలి. అయితే వచ్చే అసెంబ్లీ ఎన్నికల నాటికి విజయ్‌ ఓ పొలిటికల్‌ డ్రామా సినిమా చేయాలని అనుకుంటున్నారని వార్తలొస్తున్నాయి. మరి అదెప్పుడు అనేది తెలియాలి.

మరోవైపు ‘బిగిల్‌’ సినిమాకు ప్రీక్వెల్‌ చేయాలని అభిమానులు ఎప్పటి నుండో విజయ్‌ని అడుగుతున్నారు. అందులో సీనియర్‌ విజయ్‌ పాత్ర రాయప్పన్‌ను పూర్తి స్థాయిలో హీరోగా పెట్టి సినిమా చేస్తే చూడాలి అనేది అభిమానుల కోరిక. ఆ సినిమా చేయాలంటే అట్లీ రెడీ అవ్వాలి. ప్రస్తుతం అట్లీ షారుఖ్‌ ఖాన్‌ సినిమాతో బిజీగా ఉన్నాడు. కాబట్టి త్వరలోనే విజయ్‌ లైనప్‌ విషయంలో క్లారిటీ రావాల్సిన అవసరం ఉంది.

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!