Prasanth Varma, Anushka: ప్రశాంత్ వర్మకి స్టార్ హీరోయిన్ ప్రశంసలు.. ఎమోషనల్ కామెంట్స్ వైరల్..!

నాని నిర్మాణంలో వచ్చిన ‘అ!’ సినిమా మంచి విజయాన్నే సాధించింది. ఈ చిత్రంతో టాలీవుడ్ కు డైరెక్టర్ గా ఎంట్రీ ఇచ్చాడు ప్రశాంత్ వర్మ. వైవిధ్యమైన కథాంశంతో.. అంతవరకు టాలీవుడ్ లో ఏ సినిమా రాని రీతిలో ‘అ!’ మూవీని తెరకెక్కించాడు దర్శకుడు ప్రశాంత్ వర్మ. నిజానికి ఈ చిత్రంలో కథ పెద్దగా ఉండదు.. ఓ స్ప్లిట్ పర్సనాలిటీ లోని షేడ్స్ చూపించడమే ఈ సినిమా కాన్సెప్ట్. దానిని ప్రశాంత్ వర్మ డీల్ చేసిన విధానం బాగుంటుంది.టైటిల్ కు తగినట్టుగానే ‘అ!’ అనే మూమెంట్స్ ఈ సినిమాలో చాలానే ఉంటాయి.

కమర్షియల్ గా కూడా ఈ చిత్రం నిర్మాత నానికి మంచి లాభాలను అందించింది. మంచి టేస్ట్ ఉన్న నిర్మాతగా అతనిలోని కొత్త యాంగిల్ ను పరిచయం చేసింది ‘అ!’. ఇక ఈ సినిమా ప్రివ్యూ వేసిన రోజులను, సెలబ్రిటీలు ప్రశాంత్ ను అభినందించిన విధానాన్ని గుర్తు చేసుకుని ఎమోషనల్ కామెంట్స్ చేసాడు ప్రశాంత్ వర్మ. ప్రశాంత్ వర్మ మాట్లాడుతూ… ” ‘అ!’ ప్రివ్యూ చూస్తున్నప్పుడు టైటిల్స్‌ పడటానికి ముందే సినిమా కొంత పార్ట్ జరుగుతుంటుంది.

ఆ సన్నివేశాలు చూడగానే అనుష్క గారు నా దగ్గరికి వచ్చి షేక్‌హ్యాండ్‌ ఇచ్చి ‘సినిమా సూపర్‌ హిట్‌’ అంటూ ఎనర్జీ ఇచ్చారు.సినిమా మొత్తం పూర్తయ్యాక ఆమె మళ్లీ నా దగ్గరికి పరిగెత్తుకుంటూ వచ్చి కౌగిలించుకున్నారు. నాకు తెలిసి నన్ను హగ్‌ చేసుకున్న మొదటి అమ్మాయి అనుష్క గారే.! అప్పుడు నాకు కన్నీళ్ళు ఆగలేదు. సినిమా గ్యారెంటీ హిట్ అనే కాన్ఫిడెన్స్ వచ్చింది” అంటూ చెప్పుకొచ్చాడు ప్రశాంత్ వర్మ.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్