బాలకృష్ణ సినిమాల లైనప్‌… దీని గురించి ఎంత మాట్లాడుకున్నా తక్కువే. ఎప్పుడు కథలు వింటారో, ఎప్పుడు ఓకే చేసేస్తారో తెలియదు కానీ… ఒక సినిమా తర్వాత ఒక సినిమా అంటూ వరుసగా వచ్చేస్తుంటాయి. ఓ సినిమా సెట్స్‌ మీద ఉంది సగం అయిపోగానే ఆ తర్వాత సినిమాకు కొబ్బరికాయ కొట్టేస్తారు. చేస్తున్న సినిమా రిలీజ్‌ అవ్వగానే కొత్త సినిమా ప్రారంభించేస్తారు. అలా ఇప్పుడు బాబీ సినిమా చేస్తుండగానే తర్వాతి సినిమా దాదాపు ఓకే అయిపోయింది అంటున్నారు.
బాలకృష్ణ – బాబి కాంబినేషన్‌లో ఇటీవల ఓ సినిమా షూటింగ్‌ ప్రారంభమైంది. బాబీ సినిమా విషయంలో కాస్టింగ్‌ తుది దశకు వచ్చింది. మొదలుపెడితే నాలుగు నెలల్లో సినిమా డన్‌ అంటున్నారు. దీంతో తర్వాతి సినిమా ఏంటి అనే చర్చ మొదలైంది. దీనికి సమాధానం బాలయ్యతో గతంలో రెండు సూపర్‌ హిట్ ప్రోమోలు తీసిన దర్శకుడు అని అంటున్నారు. ఈ విషయాన్ని ఆ దర్శకుడే చెప్పారు.
నటుడిగా మనందరికీ బాగా తెలిసిన బాలయ్యలో మరో యాంగిల్‌ను పరిచయం చేసిన కార్యక్రమం ‘అన్‌స్టాపబుల్‌’. ‘ఆహా’లో స్ట్రీమ్‌ అవుతున్న ఈ టాక్‌ షో ప్రోమోలను యువ దర్శకుడు ప్రశాంత్ వర్మ డైరెక్ట్ చేసిన సంగతి తెలిసిందే. ఇప్పుడు అతనికే తర్వాతి సినిమా ఛాన్స్‌ వచ్చింది. ఆ ప్రోమో షూట్‌ సమయంలో ప్రశాంత్ వర్మతో బాలయ్య మంచి అనుబంధం ఏర్పడింది. ఈ నేపథ్యంలో సినిమా ఛాన్స్‌ కూడా ఇచ్చారట.
ప్రస్తుతం ప్రశాంత్ వర్మ ‘హనుమాన్’ సినిమా పనుల్లో బిజీగా ఉన్నారు. ఈ సినిమాను సంక్రాంతి కానుకగా జనవరి 12న విడుదల చేస్తున్నారు. ఆ సినిమా విడుదల తర్వాత బాలయ్య సినిమా స్క్రిప్ట్ పై కూర్చుంటారట. ఇదే విషయం ఇటీవల ప్రశాంత్ వర్మ దగ్గర ప్రస్తావిస్తే “బాలయ్య సినిమా కన్ఫార్మ అయింది. ఇప్పటివరకు బాలయ్యని ఏ దర్శకుడూ చూపించని విధంగా చూపిస్తా. బాలయ్య సినిమా కెరీర్‌లో ఇదొక మంచి చిత్రం అవుతుంది” అని (Prasanth Varma) ప్రశాంత్ చెప్పారు.
మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్
‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!
