హనుమాన్ సినిమా బ్లాక్ బస్టర్ హిట్ గా నిలవడంతో పాటు ఇప్పటివరకు 231 కోట్ల రూపాయల గ్రాస్ కలెక్షన్లను సాధించింది. ఫుల్ రన్ లో ఈ సినిమా 300 కోట్ల రూపాయల గ్రాస్ కలెక్షన్లను సొంతం చేసుకోవాలని అభిమానులు కోరుకుంటున్నారు. హనుమాన్ డైరెక్టర్ ప్రశాంత్ వర్మ తాజాగా రామాయణం సినిమా గురించి మాట్లాడుతూ ఆసక్తికర వ్యాఖ్యలు చేయగా ఆ విషయాలు ప్రస్తుతం సోషల్ మీడియా వేదికగా వైరల్ అవుతున్నాయి. రామాయణం మన జీవిత శైలిని సరైన దారిలో నడిచేలా చేస్తుందని అందుకే ప్రతి జనరేషన్ కు రామాయణం గురించి చెప్పాల్సిన అవసరం ఉందని ప్రశాంత్ వర్మ పేర్కొన్నారు.
రామయణం కథను చెప్పడంలో మనం పద్ధతిగా వ్యవహరించాలని ప్రశాంత్ వర్మ వెల్లడించారు. నితీష్ తివారి రామాయణం తియ్యకపోతే మాత్రం నేను కచ్చితంగా చేస్తానని ఆయన అన్నారు. బాలయ్యతో తీసే సినిమా గురించి కూడా ప్రశాంత్ వర్మ క్లారిటీ ఇచ్చేశారు. బాలయ్యకు నేను రెండు కథలను వినిపించానని ఒకటి సూపర్ హీరో మూవీ కాగా మరొకటి మాస్ మూవీ అని ప్రశాంత్ వర్మ వెల్లడించారు.
సూపర్ హీరో యూనివర్స్ లో మొత్తం 12 సినిమాలు తీస్తానని ఆయన కామెంట్లు చేయగా ఆ కామెంట్లు నెట్టింట వైరల్ అవుతున్నాయి. బాలయ్య హనుమాన్ సినిమా స్పెషల్ షో చూసి ప్రశాంత్ వర్మను మెచ్చుకున్నారు. ప్రశాంత్ వర్మ వేగంగా సినిమాలను తెరకెక్కిస్తూ విజయాలను అందుకుంటున్నారు. రాబోయే రోజుల్లో ప్రశాంత్ వర్మ అధీరా, మహాకాళి, జై హనుమాన్ ప్రాజెక్ట్స్ తో బిజీ కానున్నారు.
ప్రశాంత్ వర్మ నెక్స్ట్ లెవెల్ ప్రాజెక్ట్ లతో బిజీ అవుతుండగా ఆ సినిమాలు బాక్సాఫీస్ వద్ద ఎలాంటి ఫలితాలను అందుకుంటాయో చూడాలి. సోలో రిలీజ్ డేట్లను ఎంచుకుంటే ప్రశాంత్ వర్మ సినిమాలు కలెక్షన్ల విషయంలో మరిన్ని సంచలనాలను సృష్టిస్తాయి. ప్రశాంత్ వర్మను (Prasanth Varma) అభిమానించే వాళ్ల సంఖ్య అంతకంతకూ పెరుగుతోంది.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home