Prashanth Neel, Chiranjeevi: చిరంజీవినే స్ఫూర్తిగా తీసుకొని సినిమాలు చేస్తా: ప్రశాంత్‌ నీల్‌

April 13, 2022 / 02:47 PM ISTByFilmy Focus

Join Us

Prashanth Neel, Chiranjeevi: చిరంజీవినే స్ఫూర్తిగా తీసుకొని సినిమాలు చేస్తా: ప్రశాంత్‌ నీల్‌

‘కేజీయఫ్‌’ డైరక్టర్ ప్రశాంత్‌ నీల్‌ చాలా డేరింగ్‌.. అందుకే అంతటి మాస్‌ మసాలా సినిమాలను ఈజ్‌తో చేసేస్తుంటాడు అని అంటుంటారు. అయితే ఆయన డేరింగ్‌నెస్‌కి మరో ఉదాహరణ కూడా బయటకు వచ్చింది. ఆ విషయం ఆయనే చెప్పారు కూడా. తన సినిమా కథల రాయడం గురించి మాట్లాడుతూ ప్రశాంత్‌ నీల్‌ కీలక విషయాన్ని బయటపెట్టాడు. ‘కేజీయఫ్‌ 2’ ప్రచారంలో భాగంగా ఈ విషయం చెప్పుకొచ్చారు ప్రశాంత్‌ నీల్‌. ‘మందు తాగుతూ కథలు రాస్తాను’ అంటూ ప్రశాంత్‌ షాకింగ్ కామెంట్స్ చేశారని టాక్‌.

Click Here To Watch Trailer

చాలా మంది లాగే, చాలామంది సినిమావాళ్లు లాగే ప్రశాంత్‌ నీల్‌కు కూడా మద్యం అలవాటు ఉందట. ఆ విషయాన్ని చెబుతూ ఆసక్తికర విషయం చెప్పారు ప్రశాంత్‌. ‘‘నేను ఆల్కహాల్‌ తాగుతాను. అలా తాగుతున్నప్పుడు సినిమా కథలు రాస్తాను. అయితే, మత్తులో ఉన్నప్పుడూ.. నేను సినిమాలో ఈ సీన్ ఎందుకు? ఆ సీన్‌ ఎందుకు? అనే విషయాన్ని ఆలోచిస్తాను. ఒకసారి కాదు, ఒకటికి పదిసార్లు ఆలోచిస్తాను’’ అని చెప్పారు ప్రశాంత్‌ నీల్‌. దీంతో ఆయన వ్యాఖ్యలు ఇప్పుడు వైరల్‌గా మారాయి.

అలా మత్తులో ఉన్నప్పుడు సినిమా కథ గురించి కాకుండా, సినిమా కథను ఎలా ప్రజెంట్‌ చేయాలి అనే విషమ్మీదే ఎక్కువ ఆలోచిస్తాను అని చెప్పారు ప్రశాంత్‌ నీల్‌. అగ్ర దర్శకుడు అందరూ కొనియాడుతున్న ఈ రోజుల్లో ప్రశాంత్‌ నీల్‌.. ఇలా చెప్పడం ఆయన బోల్డ్‌నెస్‌ ఎంతనేది చెబుతోంది. ఏమాటకామాట ప్రశాంత్‌ నీల్‌ రాసే ఎలివేషన్ సీన్స్‌ అదిపోతాయి. దీని వెనుక కూడా ఓ బలమైన కారణం ఉందట. నా సినిమాలో చూపిస్తున్న ఎలివేషన్లన్నీ టాలీవుడ్ నుండి నేర్చుకున్నవే అంటూ మరో బోల్డ్‌ స్టేట్‌మెంట్‌ ఇచ్చారు ప్రశాంత్‌.

ముఖ్యంగా చిరంజీవి సినిమాల నుండి ఎక్కువగా ఇన్‌స్పైర్ అయ్యానని ప్రశాంత్‌ చెప్పారు. 90ల్లో తెలుగు సినిమాలు విపరీతంగా చూశారట ప్రశాంత్‌. ఆ రోజుల్లోని సినిమాల్లో హీరో ఎలివేషన్లను చూపించినట్లు ఇంకెక్కడా చూపించలేదు అని అంటుంటారు ప్రశాంత్‌. 90ల కాలంలో చిరంజీవి సినిమాలు చూసి బాగా ఇన్‌స్పైర్ అయ్యాను. నా సినిమాలకు స్ఫూర్తి ఆయన సినిమాలే. ‘కేజీయఫ్’ తర్వాత కన్నడ హీరోలను పక్కన పెట్టి టాలీవుడ్ స్టార్‌ హీరోలతో సినిమాలు చేస్తుండటంతో ప్రశాంత్ నీల్‌పై కన్నడ ఫ్యాన్స్‌ ఆగ్రహం మీదున్నారు.

సినిమా వస్తే మా ప్రతాపం చూపిస్తాం అంటున్నారు. ఇలాంటి సమయంలో టాలీవుడ్‌ హీరోలను వరుసగా పొగడంతో ఇబ్బంది పడతాడేమో అనిపిస్తోంది. మొన్నీ మధ్య తారక్‌కో తన స్నేహం 20 ఏళ్ల నాటిదని చెప్పిన విషయం తెలిసిందే.