వైరల్ వీడియోపై క్లారిటీ ఇచ్చిన జెనీలియా!

March 20, 2021 / 05:02 PM ISTByFilmy Focus

Join Us

వైరల్ వీడియోపై క్లారిటీ ఇచ్చిన జెనీలియా!

గత కొన్నిరోజులుగా సోషల్ మీడియాలో ఓ వీడియో బాగా వైరల్ అవుతోంది. ఇంతకీ ఆ వీడియోలో ఏముందంటే.. ఓ అవార్డు ఫంక్షన్ లో నటి జెనీలియా, ఆమె భర్త రితేష్ దేశ్ ముఖ్.. ప్రీతీ జింటాను కలిశారు. ఈ సందర్భంగా రితేష్.. ప్రీతీ జింటా చేతులను పట్టుకొని ముద్దుపెట్టుకున్నారు. ఆ తరువాత నవ్వుతూ ఆమెతో మాట్లాడుతూ ఉండడంతో.. పక్కనే ఉన్న జెనీలియా అసౌకర్యంగా ఫీల్ అవుతుంటుంది. తన భర్త వేరే అమ్మాయితో క్లోజ్ గా ఉండడాన్ని జెనీలియా తట్టుకోలేకపోవడం ఈ వీడియోలో కనిపిస్తుంది.

అయితే ఇందులో జెనీలియా ఎక్స్ ప్రెషన్స్ కి అందరూ బాగా కనెక్ట్ అయిపోయారు. నిమిషాల్లో వీడియో వైరల్ అయిపోయింది. దీనిపై చాలా స్పూఫ్ వీడియోలు కూడా చేసి సోషల్ మీడియాలో ట్రెండ్ అయ్యేలా చేస్తున్నారు. ఈ వీడియోకి మిళియన్స్ లో వ్యూస్ రావడంతో జెనీలియా కూడా చాలా ఫన్నీగా స్పందించింది. ”ఈ ఫంక్షన్ తరువాత ఇంట్లో ఏం జరిగిందో తెలుసుకోవాలనుకుంటున్నారా..?” అంటూ మరో వీడియో రిలీజ్ చేసింది. ఇందులో జెనీలియా తన భర్తను కొడుతున్నట్లు ఫన్నీగా ఓ వీడియో చేసింది.

ఈ వీడియోకి రితేష్, ప్రీతీ జింటాలను ట్యాగ్ చేసింది. వెంటనే స్పదించిన ప్రీతీ.. ఇది చాలా ఫన్నీగా ఉందని.. లవ్ యు బోత్ అంటూ పోస్ట్ పెట్టింది. నిజానికి ఈ వీడియో 2019లో ఐఫా అవార్డ్స్ కి సంబంధించింది. కానీ సోషల్ మీడియా పుణ్యమా అని ఇప్పుడు వీడియో బయటకొచ్చి హల్చల్ చేసింది. దీనికి జెనీలియా కూడా స్పదించడంతో హాట్ టాపిక్ గా మారింది.