సుధీర్ బాబుని (Sudheer Babu) హీరోగా నిలబెట్టిన సినిమా ‘ప్రేమ కథా చిత్రమ్’ (Prema Katha Chitram). నందిత రాజ్ (Nanditha Raj) హీరోయిన్ గా నటించిన ఈ సినిమాని జె.ప్రభాకర్ రెడ్డి (JPrabhakar Reddy) దర్శకత్వం వహించారు.మారుతి (Maruthi Dasari) ఈ సినిమాకి కథ అందించడం జరిగింది. ‘మారుతి మీడియా హౌస్ ప్రొడక్షన్స్’ బ్యానర్ పై మారుతి, సుదర్శన్ రెడ్డి లు (Nellore Sudarshan) సంయుక్తంగా ఈ చిత్రాన్ని నిర్మించారు. 2013 వ సంవత్సరం జూన్ 7న పెద్దగా అంచనాలు లేకుండా కేవలం మౌత్ టాక్ పై ఆధారపడి ఈ సినిమా రిలీజ్ అయ్యింది.
ఊహించని విధంగా సూపర్ హిట్ టాక్ సొంతం చేసుకుంది. హారర్ కామెడీ జోనర్లో ఈ సినిమా తెరకెక్కింది అని మొదట ఎవ్వరికీ తెలీదు. టైటిల్ చూసి ఇది రెగ్యులర్ స్టోరీ ఏమో అని అనుకున్నారు. అయితే సినిమాలో ప్రవీణ్(Praveen) , సప్తగిరి (Saptagiri) ..ల కామెడీ బాగా వర్కౌట్ అయ్యింది. బాక్సాఫీస్ వద్ద పెద్ద బ్లాక్ బస్టర్ గా నిలిచింది. నేటితో ఈ సినిమా రిలీజ్ అయ్యి 12 ఏళ్ళు పూర్తి కావస్తోంది. ఈ సందర్భంగా ఒకసారి క్లోజింగ్ కలెక్షన్స్ ని గమనిస్తే :
| నైజాం | 4.00 cr |
| సీడెడ్ | 1.10 cr |
| ఉత్తరాంధ్ర | 1.60 cr |
| ఈస్ట్ | 1.10 cr |
| వెస్ట్ | 0.80 cr |
| గుంటూరు | 0.90 cr |
| కృష్ణా | 0.75 cr |
| నెల్లూరు | 0.45 cr |
| ఏపీ + తెలంగాణ (టోటల్) | 10.60 cr |
| రెస్ట్ ఆఫ్ ఇండియా + ఓవర్సీస్ | 1.05 cr |
| వరల్డ్ వైడ్ (టోటల్) | 11.65 cr |
‘ప్రేమ కథా చిత్రమ్’ చిత్రం రూ.4.2 కోట్ల బ్రేక్ ఈవెన్ టార్గెట్ తో బరిలోకి దిగింది. ఫుల్ రన్లో ఈ సినిమా ఏకంగా రూ.11.65 కోట్ల షేర్ ను రాబట్టి ట్రేడ్ పండితులకి సైతం షాకిచ్చింది. బయ్యర్లకు మొత్తంగా రూ.7.45 కోట్ల లాభాలు అందించి డబుల్ బ్లాక్ బస్టర్ గా నిలిచింది ఈ సినిమా. తర్వాత సుధీర్ బాబు నటించిన ఏ సినిమా కూడా ‘ప్రేమ కథా చిత్రమ్’ ని మించి కలెక్ట్ చేయలేకపోయింది.
