Prema Kavali: ‘ప్రేమ కావాలి’ కి 15 ఏళ్ళు.. ఫైనల్ గా ఎంత కలెక్ట్ చేసిందో తెలుసా?

సాయి కుమార్ తనయుడు ఆది సాయి కుమార్ హీరోగా డెబ్యూ ఇస్తున్నాడు అంటే అప్పట్లో ఎవ్వరూ పెద్దగా పట్టించుకోలేదు.కానీ సీనియర్ స్టార్ హీరోలు చిరంజీవి, బాలకృష్ణ, నాగార్జున, వెంకటేష్.. ఆది డెబ్యూ సినిమా ఓపెనింగ్ కి వచ్చి బెస్ట్ విషెస్ తెలిపారు. ‘నువ్వేకావాలి’ ‘నువ్వు నాకు నచ్చావ్’ ‘మల్లీశ్వరి’ వంటి సూపర్ హిట్ సినిమాలు అందించిన కె.విజయ్ భాస్కర్ దీనికి దర్శకుడు. ఈయన ఆస్థాన రైటర్ త్రివిక్రమ్ దర్శకుడైన తర్వాత కె.విజయ్ భాస్కర్ హవా తగ్గింది.

Prema Kavali

ఇండస్ట్రీలో సక్సెస్ లేకపోతే ఎవ్వరూ పట్టించుకోరు. అలా ‘ప్రేమకావాలి'(Prema Kavali) పై మొదట ఎటువంటి బజ్ లేదు.కానీ అనూప్ రూబెన్స్ సంగీతం ఈ సినిమాకి మంచి బజ్ తీసుకొచ్చింది. పాటలు సూపర్ హిట్ అయ్యాయి. దీంతో 2011 ఫిబ్రవరి 25న రిలీజ్ అయిన ఈ సినిమాపై ఆడియన్స్ ఇంట్రెస్ట్ చూపించారు. మొదట యావరేజ్ టాకే వచ్చింది. కానీ సాంగ్స్ వల్ల సినిమాకి రీచ్ ఇంకా పెరిగింది. బాక్సాఫీస్ వద్ద మంచి వసూళ్లు సాధించింది.

నేటితో ‘ప్రేమ కావాలి’ రిలీజ్ అయ్యి 15 ఏళ్ళు పూర్తికావస్తున్న నేపధ్యంలో.. ఒకసారి క్లోజింగ్ కలెక్షన్స్ ను ఓ లుక్కేద్దాం రండి:

‘ప్రేమకావాలి’ చిత్రం రూ.4.5 కోట్ల బ్రేక్ ఈవెన్ టార్గెట్ తో బరిలోకి దిగింది. అన్ సీజన్లో రిలీజ్ అయినప్పటికీ.. హీరో, హీరోయిన్ల ఫేసులు కొత్తవైనప్పటికీ కూడా ఈ సినిమాని ఆడియన్స్ బాగా ఆదరించారు. ఈ సినిమా లాంగ్ రన్ నిలబడగలిగింది. ఫుల్ రన్లో  రూ.10.18 కోట్ల షేర్ ను రాబట్టి.. డబుల్ బ్లాక్ బస్టర్ గా నిలిచింది. డెబ్యూ హీరోల్లో ఇదొక అరుదైన రికార్డు అని చెప్పాలి.

తిరుపతిలో 15 నిమిషాల దర్శనం వ్యాఖ్యలపై శివానీ క్లారిటీ