బుల్లి తెర బ్లాక్ బస్టర్ల లిస్టులో ‘కార్తీక దీపం’ సీరియల్ టాప్ పొజిషన్లో నిలుస్తుంది అనడంలో సందేహం లేదు. ఫ్యామిలీ ఆడియెన్స్ కు ఈ సీరియల్ బాగా కనెక్ట్ అయిపోయింది.2017 నుండీ ఈ సీరియల్ టెలికాస్ట్ అవుతుంది. ఈ సీరియల్ లో నటించే ప్రతీ ఆర్టిస్ట్ మంచి క్రేజ్ ను సంపాదించుకున్నారు. వంటలక్క, డాక్టర్ బాబు ల పాత్రలకు అభిమానులు కూడా ఏర్పడ్డారు. వీళ్ళు సినిమాల్లోకి ఎప్పుడు ఎంట్రీ ఇస్తారా అని అంతా ఎదురుచూస్తున్నారు.ఇదివరకే వీళ్లకు అవకాశాలు వచ్చినప్పటికీ.. వాటిని రిజెక్ట్ చేశారట.
అయితే వంటలక్కకు అదే ప్రేమి విశ్వనాధ్ కు తాజాగా ఓ మంచి ఆఫర్ వచ్చిందని.. దాంతో వెంటనే అందులో నటించడానికి గ్రీన్ సిగ్నల్ ఇచ్చేసిందని సమాచారం. వివరాల్లోకి వెళితే.. కోలీవుడ్ దర్శకుడు లింగుస్వామి టాలీవుడ్ స్టార్ హీరో రామ్ తో ఓ చిత్రాన్ని తెరకెక్కిస్తున్న సంగతి తెలిసిందే. తెలుగు, తమిళ భాషల్లో ద్విభాషా చిత్రంగా ఇది తెరకెక్కుతుంది. ఈరోజు నుండీ అంటే జూలై 12నుండీ షూటింగ్ మొదలైంది. కృతి శెట్టి హీరోయిన్ గా ఎంపికైంది.
అయితే ఈ చిత్రంలో ఓ ముఖ్య పాత్రకి గాను ప్రేమి విశ్వనాధ్(వంటలక్క) ను ఎంపిక చేసుకున్నారట. అందుకోసం వీళ్ళు మంచి పారితోషికాన్ని కూడా ఆఫర్ చేసినట్టు తెలుస్తుంది. ఇది కనుక సక్సెస్ అయితే తెలుగుతో పాటు తమిళంలో కూడా ప్రేమి పాపులర్ అయిపోతుంది. అటు తర్వాత వరుస అవకాశాలు వచ్చినా ఆశ్చర్యపడనవసరం లేదు.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home
