పాపం ప్రియా ప్రకాష్ కింద పడిపోయింది.. వీడియో వైరల్..!

February 26, 2021 / 03:14 PM ISTByFilmy Focus

Join Us

పాపం ప్రియా ప్రకాష్ కింద పడిపోయింది.. వీడియో వైరల్..!

ప్రియా ప్రకాష్ వారియర్… ఒక్కసారి కన్నుకొట్టి యావత్ భారత దేశాన్ని ఓ ఊపు ఊపేసింది. ‘ఒరు ఆధార్ లవ్’ అనే చిత్రంలోని ఓ పాటలో చిన్న బిట్ అది. ఆ ఒక్క ప్రోమో సినిమా పై ఎంత హైప్ తీసుకొచ్చిందో.. ఈమెకు బోలెడన్ని ఆఫర్లు కూడా వెతుక్కుని వచ్చేలా చేసింది. కానీ కట్ చేస్తే ఆ సినిమా అట్టర్ ప్లాప్ అయ్యింది. మలయాళంలోనే కాదు తెలుగులో కూడా అదే రిజల్ట్..! దాంతో ఈమె క్రేజ్ కాస్త డౌన్ అయినట్టు అనిపించింది కానీ.. ఈ అమ్మడు బిజీగానే గడుపుతూ వచ్చింది.

‘శ్రీదేవి బంగ్లా’ అనే కాంట్రవర్సీ మూవీలో నటించిన ఈ బ్యూటీ.. అఖిల్ తో ఓ ఆల్బమ్ కు సంబంధించిన పాటలో కూడా నర్తించింది. ఇక నితిన్- చంద్ర శేఖర్ యేలేటి కాంబినేషన్లో తెరకెక్కిన ‘చెక్’ చిత్రంతో ప్రేక్షకులను పలకరించబోతుంది ఈ బ్యూటీ. ‘చెక్’ మూవీ ఈమెకు స్ట్రైట్ తెలుగు మూవీ. అది కనుక హిట్ అయితే ఈమెకు భారీగా ఆఫర్లు రావడం ఖాయం. ఇదిలా ఉండగా.. తాజాగా ఈ అమ్మడు ఓ వీడియోని షేర్ చేసింది. ఆ వీడియో ‘చెక్’ సినిమా షూటింగ్ సమయం నాటిది.

ఓ సన్నివేశంలో భాగంగా ఆమె వెనుక నుండీ పరిగెత్తుకుని వచ్చి నితిన్ వీపు పై ఎక్కాల్సి ఉంది. అలా ట్రై చేస్తున్న టైములో ఎవ్వరూ ఊహించని విధంగా కిందపడిపోయింది.సెట్లో అందరూ కంగారు పడి ఈమె వద్దకు పరిగెత్తుకుని వచ్చినప్పటికీ.. ఈమె తనంతట తానే లేచి నిలిచుంది. ‘ఈ లైఫ్ నన్ను వెనక్కి లాక్కెలడానికి ట్రై చేస్తుంది.. నేను పడిపోయినప్పటికీ పూర్తి విశ్వాసంతో నిలబడి ఇలాగే ముందుకు సాగుతుంటాను’ అంటూ ఓ కొటేషన్ కూడా ఇచ్చింది ప్రియా ప్రకాష్.

Most Recommended Video