మల్లేశం సినిమా ద్వారా హీరోగా పరిచయమయ్యారు నటుడు ప్రియదర్శి ఈ సినిమాతో ఎంతో మంచి గుర్తింపు సంపాదించుకున్న ప్రియదర్శని అనంతరం పలు సినిమాలలో కమెడియన్ గా నటిస్తూ ప్రేక్షకులను సందడి చేశారు. ఇలా నటుడిగా ఎంతో మంచి గుర్తింపు సంపాదించుకున్న ఈయన తాజాగా కమెడియన్ వేణు దర్శకత్వంలో తెరికెక్కిన బలగం సినిమా ద్వారా ప్రేక్షకుల ముందుకు వచ్చారు. ప్రియదర్శి కావ్య కళ్యాణ్ రామ్ జంటగా దిల్ రాజు నిర్మాణంలో వచ్చినటువంటి ఈ సినిమా ఎంతో అద్భుతమైన విజయాన్ని అందుకుంది.
ఈ సినిమా చూసిన ప్రతి ఒక్కరు ఎంతో ఎమోషనల్ అవుతూ సినిమా పై ప్రశంసలు కురిపిస్తున్నారు.ఇలా ఈ సినిమా ఎంతో మంచి సక్సెస్ కావడంతో చిత్ర పరిశ్రమకు చెందినటువంటి ప్రముఖ సెలబ్రిటీలు సైతం చిత్ర బృందం పై ప్రశంసల వర్షం కురిపించారు. అయితే తాజాగా నటుడు ప్రియదర్శి ఈ సినిమా గురించి మాట్లాడుతూ ఎమోషనల్ కామెంట్స్ చేశారు. ఈ సందర్భంగా ఈయన మాట్లాడుతూ ఇప్పటివరకు తాను ఎన్నో సినిమాలలో చేసిన తన తండ్రి మాత్రం ఒక్కసారి కూడా తనని బాగా చేశావు అని అభినందించిన సినిమా ఏదీ లేదని తెలిపారు.
అయితే బలగం సినిమా చూసిన తర్వాత తన తండ్రి నా భుజంపై చేయి వేసి చాలా బాగా చేశావు అంటూ తనని ప్రశంసించారని ప్రియదర్శి తెలిపారు. ఈ విధంగా తన తండ్రి చాలా బాగా చేశావురా అని చెప్పడమే నాకు పెద్ద ప్రశంస అంటూ ఈ సందర్భంగా ఈయన తెలిపారు. నా సినీ కెరియర్ లోనే ఈ బలగం సినిమా ఒక మైలురాయి అంటూ ఈయన ఈ సినిమా సక్సెస్ గురించి మాట్లాడారు.
అదేవిధంగా చిన్న మనస్పర్ధలు కారణంగా తన అన్నయ్యతో తాను రెండు సంవత్సరాలుగా మాట్లాడలేదని ఈ సినిమా చూసిన తర్వాత తానే తన అన్నయ్యకు ఫోన్ చేసి మాట్లాడానని ఈ సినిమా చూసి ఒక వ్యక్తి తనకు ఫోన్ చేసి ఈ మాట చెప్పడం తనకు ఎంతో ఆనందాన్ని కలిగించిందని ఈ సందర్భంగా ప్రియదర్శి తెలియజేశారు. ప్రస్తుతం ఈయన చేసినటువంటి కామెంట్స్ వైరల్ అవుతున్నాయి.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
