పృధ్విరాజ్ సుకుమారన్ దర్శకత్వంలో మలయాళ నటుడు మోహన్ లాల్ హీరోగా నటించినటువంటి చిత్రం లూసీఫర్. మలయాళంలో ఎంతో సూపర్ హిట్ టాక్ సొంతం చేసుకున్న ఈ సినిమాని తెలుగులో రీమేక్ చేశారు.మోహన్ రాజా దర్శకత్వంలో మెగాస్టార్ చిరంజీవి హీరోగా ఈ సినిమాని తెలుగులో గాడ్ ఫాదర్ గా రీమేక్ చేశారు. ఇక ఈ సినిమాలో సత్యదేవ్ నయనతార వంటి సెలబ్రిటీలు కూడా నటించారు. ఇప్పటికే ఈ సినిమా శర వేగంగా షూటింగ్ పూర్తి చేసుకొని పోస్ట్ ప్రొడక్షన్ పనులను జరుపుకుంటుంది.
ఇకపోతే ఈ సినిమా నుంచి మెగాస్టార్ ఫస్ట్ లుక్ ప్రతి ఒక్కరిని ఎంతగానో ఆకట్టుకుంది ఇక తాజాగా విడుదల చేసిన టీజర్ సినిమా పై ఎన్నో అంచనాలను పెంచింది. ఆచార్య సినిమా ఫ్లాప్ కావడంతో మెగా అభిమానులు ఈ సినిమాపై భారీ అంచనాలు పెట్టుకున్నారు. ఈ క్రమంలోనే ఈ సినిమా విడుదల గురించి సోషల్ మీడియాలో పెద్ద ఎత్తున వార్తలు వస్తున్నాయి.అయితే ఈ సినిమా విడుదల విషయం గురించి ఇలాంటి వార్తలు వస్తున్న నేపథ్యంలో సినిమా నిర్మాత ఎన్.వి. రమణ ఈ సినిమా విడుదల గురించి స్పందిస్తూ సినిమా విడుదల తేదీన అధికారికంగా ప్రకటించారు.
ఈ క్రమంలోనే గాడ్ ఫాదర్ సినిమా విడుదల విషయంపై వస్తున్నటువంటి ఎలాంటి రూమర్స్ నమ్మద్దు ఈ సినిమా ప్రపంచ వ్యాప్తంగా అక్టోబర్ 5వ తేదీ విడుదల కానుంది అంటూ ఈయన ఈ సినిమా విడుదల విషయంపై క్లారిటీ ఇచ్చారు. ఇకపోతే ఈ సినిమా షూటింగ్ పూర్తి కావడంతో ప్రస్తుతం డబ్బింగ్ పనులను మొదలుపెట్టారు.
మరోవైపు పోస్ట్ ప్రొడక్షన్ పనులను కూడా జరుపుకుంటుంది త్వరలోనే ప్రమోషన్ కార్యక్రమాలను కూడా మొదలుపెడతామంటూ ఈ సందర్భంగా నిర్మాత రమణ వెల్లడించారు.ఈ సినిమాలో బాలీవుడ్ నటుడు సల్మాన్ ఖాన్ సైతం అతిథి పాత్రలో సందడి చేయనున్న విషయం మనకు తెలిసిందే. మరి ఈ సినిమా ఎలాంటి ఫలితాన్ని అందుకుంటుందో తెలియాల్సి ఉంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
